Тоқаев Трампты АҚШ тәуелсіздігінің 250 жылдығымен құттықтады

Мемлекет басшысы Қасым-Жомарт Тоқаев президент Дональд Трампты Америка Құрама Штаттары тәуелсіздігіне 250 жыл толуымен құттықтады, деп хабарлайды Orda.kz.       

Президент Америка халқының еркіндік, теңдік және әділдік қағидаттарына бейіл екенін паш ететін бұл айтулы күннің айрықша тарихи маңызына назар аударды. 

Сондай-ақ Мемлекет басшысы қазақ-америка қатынастарының қарқынды дамуына президент Трамптың қосқан үлесін атап өтіп, кеңейтілген стратегиялық серіктестікті одан әрі нығайтуға дайын екенін растады. 

Қасым-Жомарт Тоқаев Дональд Трамптың жауапты мемлекеттік қызметіне табыс, ал достас АҚШ халқына бақ-береке тіледі.

XVIII ғасырдың ортасында Солтүстік Америкадағы 13 британ отары Ұлыбритания билігіне қарсы наразылық білдіре бастады. Салықтың өсуі, саяси құқықтардың шектелуі халықтың ашу-ызасын туғызды. Нәтижесінде 1775–1783 жылдары Америкалық тәуелсіздік соғысы өтті.

1776 жылы 4 шілдеде Томас Джефферсон бастаған топ дайындаған тарихи құжат — Тәуелсіздік декларациясы қабылданды. Бұл құжатта барлық адамдар тең әрі еркін болып жаратылғаны жарияланды.

250 жылдық мерейтой аясында АҚШ-та кең ауқымды іс-шаралар өтуде:

• Филадельфия қаласында (тәуелсіздік жарияланған орын) басты мерекелік шаралар ұйымдастырылған;
• Тәуелсіздік залы маңында тарихи реконструкциялар өтуде;
• Вашингтон қаласында әскери парадтар мен отшашулар ұйымдастырылуда;
• Ел бойынша концерттер, көрмелер, білім беру жобалары жүзеге асуда.

Бұл мереке тек өткенді еске алу ғана емес, сонымен қатар елдің болашағына көзқарас білдіретін маңызды кезең ретінде қарастырылады.

250 жыл ішінде АҚШ әлемдегі ең ықпалды мемлекеттердің біріне айналды, әлемдік экономика көшбасшыларының бірі ретінде таныды, ғылым мен технологияның алдыңғы қатарға шықты,
халықаралық саясатта маңызды ойыншыға айналды.

АҚШ-тың демократиялық құндылықтары мен құқықтық жүйесі көптеген елдерге үлгі болды. АҚШ-та 50 штат бар, ондағы халық саны 330 миллионнан асады.
 
Оқи отырыңыз: