Түркияда қазақ әйелі жол апатынан қаза тапты

13 қазан күні Түркияның Алания қаласында 38 жастағы қазақстандық Әлия Құлмағамбетова жол-көлік оқиғасынан қаза тапты.

Бұл туралы оның ағасы хабарлады.

Бағдат Құлмағамбетов өзінің Facebook парақшасында қарындасының өлімінің егжей-тегжейімен бөлісті. Түрік полициясының деректеріне сілтеме жасаған ер адам бағдаршамның жасыл түсі жанған кезде қарындасы жолдан өтіп бара жатқанын айтты.

«Өмірдегі ең жаман нәрсе - жақын адамыңнан айырылу! Жұма күні, 13-і күні біз Әлия Құлмағамбетова қарындасымыздан айырылдық. Ол небәрі 38 жаста еді. Оның бүкіл өмірі алда және көптеген жоспарлары бар еді. Ол Аланияда жол апатынан қайтыс болды. D 400 тас жолы, Кестел. Полиция мәліметінше, ол жасыл шам жанған кезде жолды дұрыс жерден кесіп өткен. Сонымен қатар, жол бөлгіш тормен қоршалған, тергеу жүріп жатыр. Жүргізуші жас қыз екен, ол барлық мән-жай анықталғанша үйіне жіберілген» деп жазды марқұмның ағасы Бағдат Құлмағамбетов. 

Бағдат Құлмағамбетов ҚР Сыртқы істер министрлігі мен Бас прокуратураға жол апатынан қаза тапқан қазақстандық әйелдің өліміне қатысты тергеуді бақылауға алуды сұрады.