Тоқаев Amanat партиясының бұрынғы төрағасы Ерлан Қошановқа нәтижелі әрі елге пайдалы еңбегі үшін алғыс айтты 

Президент Қасым-Жомарт Тоқаев Amanat партиясының бұрынғы төрағасы Ерлан Қошановқа аталған лауазымдағы абыройлы, нәтижелі әрі елге пайдалы еңбегі үшін алғыс айтты, деп хабарлайды Orda.kz.    

Сонымен қатар ол партия мүшелерінің жуырда өткен съезде жаңадан құрылған Әdilet  партиясына қосылу жөнінде қабылдаған тарихи шешімдеріне ризашылығын білдірді. 

Президент елімізді жаңғырту, заң үстемдігі мен қоғамдық тәртіпке негізделген Әділетті Қазақстанды құру ісіне Amanat партиясының елеулі үлес қосқанын атап өтті. 

Мемлекет басшысы отаншыл партия мүшелерінің Әdilet партиясының қатарында да ел игілігі жолындағы белсенді әрі жемісті қызметін абыроймен жалғастыра беретініне сенім білдірді.

Еске салсақ, 14 маусым күні Астана қаласында Әdilet партиясының съезі өтіп, онда делегаттар Amanat партиясының Әdilet партиясына қосылуын қолдап дауыс берді.

Делегаттар партияны одан әрі дамыту, өңірлік филиалдарды құру, ұйымдастыру құрылымын нығайту мәселелерін талқылады, сондай-ақ Amanat партиясының Әdilet партиясына қосылуы туралы мәселені қарастырды.

Маңызды шешімдердің бірі Қазақстанның барлық өңірлерінде партия филиалдарын құру болды. Делегаттар сондай-ақ олардың жұмыс тәртібін айқындайтын Филиалдар туралы ережені бекітті.

Айта кетейік, 12 маусым күні өткен Amanat партиясы съезінде де Әdilet партиясымен бірігу ниеті туралы жарияланған болатын.

Оқи отырыңыз:

• Еліміздегі «Aманат» пен «Әділет» партиялары бірікті
• Тоқаев АШҚ президентін туған күнімен құттықтады 
• Еуроодақ Украина мен Молдованың мүшелікке кіруін қарастырып жатыр