Еліміздегі «Aманат» пен «Әділет» партиялары бірікті

14 маусым күні Астана қаласында Әdilet партиясының съезі өтіп, онда делегаттар Amanat партиясының Әdilet партиясына қосылуын қолдап дауыс берді, деп хабарлайды Orda.kz.       

Съезд барысында сондай-ақ партияның өңірлік филиалдары туралы ереже бекітілді.

«Amanat партиясының Әdilet партиясына қосылуы — тар партиялық мүдделерден жоғары тұратын, ұлттық жауапкершілікке негізделген салмақты шешім. Бұл — қазақстандық қоғамның ел мүддесі үшін біріге алатынының нақты дәлелі. Бұл шешім қоғам, мемлекет және болашақ ұрпақ алдындағы жауапкершіліктен туындап отыр және елдің бірлігі мен әл-ауқатын нығайтуға бағытталған. Біз азаматтардың сенімін ақтап, әділеттілікті мемлекеттік жүйенің және дамудың негізіне, қажет болса ұлттық сананың бір бөлігіне айналдыруымыз керек. Дәл осы мақсатта Әdilet партиясы құрылған», — деді Әdilet партиясының төрағасы Айбек Дәдебай. 

Ол өз сөзінде съезд делегаттары мен партия мүшелерін Amanat партиясының Әdilet-ке қосылуын қолдауға шақырды. Делегаттар бұл ұсынысты бірауыздан қолдады.

Делегаттар партияны одан әрі дамыту, өңірлік филиалдарды құру, ұйымдастыру құрылымын нығайту мәселелерін талқылады, сондай-ақ Amanat партиясының Әdilet партиясына қосылуы туралы мәселені қарастырды.

Маңызды шешімдердің бірі Қазақстанның барлық өңірлерінде партия филиалдарын құру болды. Делегаттар сондай-ақ олардың жұмыс тәртібін айқындайтын Филиалдар туралы ережені бекітті.

Айта кетейік, 12 маусым күні өткен Amanat партиясы съезінде де Әdilet партиясымен бірігу ниеті туралы жарияланған болатын.

Оқи отырыңыз: 

• Қазақстанда «Әділет» партиясы ресми тіркелді
• Жаңа «Әділет» партиясын Айбек Дәдебай басқарады
• Еліміздегі «Aманат» пен «Әділет» партиялары біріге ме?