Тоқаев: вакцинация - қиын жағдайдан шығудың жолы

Президент Тоқаев отандық вакцинаны еккізетінін мәлімдеді.

«Біз отандық вакцинаны сынаудың оң нәтижесіне үміттіміз. Бұл жағдайда мен қазақстандық вакцинаны егемін», - деді Тоқаев.

Тоқаевтың айтуынша, мәжбүрлі вакцинация болмайды.

«Арандатушылар айтқандай, мәжбүрлі вакцинация болмайды. Бірақ вакцинация - қиын жағдайдан шығудың жолы. Оны сапалы жүзеге асыру үшін барлық жағдайларды жасау қажет», - деді ол.

«Аймақтар рейтингке ұмтылып, жазадан қорқып, істің нақты жағдайын жасырады. Біз халықтың денсаулығының нақты көрсеткіштерін біліп, шұғыл түрде барлық аймақтар мен жас топтары жағдайында аурушаңдықтың нақты көрінісі бойынша статистикалық сенімді зерттеулерді ұйымдастыруымыз керек. Әрі бұл бір ай ішінде жасалынуы керек», - деді Тоқаев.

Денсаулық сақтау министрі Алексей Цой вакцинация мәселесі қазір ерекше өзекті болып тұрғанын, барлық медициналық ұйымдардың тиісті дайындықтан өткенін айтты.

«Қазір әрбір медициналық ұйым вакцинация форматы бойынша өзінің барлық мүмкін сұрақтарын сұрыптады. Біз суық режимді қамтамасыз еттік, -4-тен -8 градусқа дейінгі температурада логистикалық желі құрдық және ол жұмыс істеп тұр. Біз үшін қосымша қиындық - суық режимді -20 градус форматында қамтамасыз ету», - деді Денсаулық сақтау министрлігінің басшысы.

Ол вакцинация басталғаннан бастап Ресейде жасалған Sputnik-V препараты қолданылатынын еске түсірді. Барлық SK Pharmacia хабтарында вакциналарды сақтауға арналған жабдықтар бар. Логистика қазір тексеріліп жатыр.

«Біз медициналық қызметкерлерді оқыту үшін вакцинаны қолдану бойынша арнайы нұсқаулық жасадық. Қазір бұқаралық ақпарат құралдарында вакцинацияның пайдалылығы, кезеңдері, көрсеткіштері, медициналық шақырудан бас тарту туралы ақпаратты жариялай отырып, арнайы материалдар дайындалды», - деді Алексей Цой.