Қоғам белсендісі Оразалы Ержанов төрт жылға бас бостандығынан шектетілді

Алматы қаласының Алмалы аудандық сотында белсенді Оразалы Ержановқа қатысты үкім жарияланды, деп хабарлайды Orda.kz.

Алматының Алмалы аудандық соты «Elge Qaitaru» қорының жетекшісі, заңгер Оразалы Ержановты кінәлі деп танып, 4 жылға бас бостандығын шектеу жазасын тағайындады. Оған пробациялық бақылау қойылып, 5 жылға қоғамдық қызметпен айналысуына тыйым салынды.

Сот оны Қылмыстық кодекстің 150-бабы 2-бөлігі – сайлау процесіне кедергі келтіру бойынша айыпты деп тапты.

Ержанов өзіне тағылған айыпты мойындамайтынын айтып, үкіммен келіспейтінін мәлімдеді және апелляция беретінін жеткізді.

Еске сала кетейік, ол биыл ақпан айының соңында ұсталып, бастапқыда 10 тәулікке қамалған. Үкім әзірге заңды күшіне енген жоқ, қорғаушы тарап апелляцияға дайындалып жатыр.

Оқи отырыңыз:

«5 минутта қарсылық жаз»: Заңгер Шекеев пен судья сотта дауласты

Бес адам сотталған өлім ісі: Туыстары полиция әрекетіне күмән келтірді

Студентті пышақтап өлтірген 14 жастағы жасөспірім 8 жылға сотталды