Лионель Месси долларлық миллиардер атанды

Аргентиналық футболшы Лионель Мессидің байлығы 1 миллиард долларға жетті, деп хабарлайды  Orda.kz Bloomberg-ке сілтеме жасап.

Маусым айында 39 жасқа толатын Аргентина құрамасының шабуылшысы 2007 жылдан бері тек жалақы мен бонустардың өзінен 700 миллион доллардан астам табыс тапқан. Миллиардер мәртебесіне ол коммерциялық келісімдер, демеушілік шарттар және инвестициялар арқылы қол жеткізді.

Осылайша, Месси футбол тарихында Криштиану Роналдудан кейін миллиардер атанған екінші ойыншы болды.

Клубтық деңгейде аргентиналық футболшы 2023 жылдан бері америкалық «Интер Майами» клубының намысын қорғап келеді. Оның негізгі жалақысы жылына 25 миллион доллар, ал жалпы кепілдендірілген табысы шамамен жылына 28,3 миллион доллар. Сонымен қатар келісімшартта клубтағы үлеске ие болу және Apple мен Adidas-пен серіктестік табысына қатысу қарастырылған.

Мессидің жылдық табысы шамамен 130 миллион доллар деп бағаланады.

Оқи отырыңыз:

• Месси әлемдегі ең көп марапатталған ойыншы атанды
• Месси Роналдудың соңынан кетуі мүмкін
• Месси әлем чемпионатында жаңа рекорд орнатты
• Әлемдегі ең қымбат футболшы кім?