Электромобиль сатылымы әлемнің 100 елінде рекордтық көрсеткішке жетті

2026 жылы әлемдік электромобиль сатылымы қайтадан өсіп, 23 миллион данаға жетіп, жалпы сатылған көліктердің шамамен 30% болды, деп хабарлайды Orda.kz.       

Мұндай болжамды Халықаралық энергетикалық агенттік (ХЭА) жасады.

Жаңа есепте 2025 жылы электромобиль сатылымының тұрақты өсімі байқалған, шамамен 100 елде рекордтық көрсеткішке жеткені айтылған. Сонымен қатар Таяу Шығыстағы соғыс салдарынан туындаған қазіргі энергетикалық дағдарыс жағдайында негізгі нарықтарда одан әрі өсімге әлеует бар екені атап өтіледі.

2025 жылы әлемде электромобиль сатылымы 20%-ға өсіп, 20 миллионнан асты. Бұл әлемде сатылған жаңа көліктердің төрттен бірі электрлі болғанын білдіреді. Әлемдік электромобиль сатылымының 60%-ын қытайлық автокөлік өндірушілер қамтамасыз етсе, Еуропа мен Солтүстік Америка өндірушілерінің үлесі шамамен 15% болды.

«Өткен жылы электромобиль сатылымы 100-ге жуық елде жаңа рекордтар орнатты. Электромобильдердің танымалдығы автомобиль нарығы мен жалпы энергетикалық жүйеде елеулі өзгеріс әкелді және қазіргі ең ірі мұнай дағдарысы жағдайында белгілі бір жеңілдік беріп отыр» ,— дейді ХЭА атқарушы директоры Фатих Бироль. 

Есепте Оңтүстік-Шығыс Азия электромобильдер қарқынды дамып жатқан өңір ретінде ерекше аталады. Өткен жылы бұл аймақта жылдық сатылым екі еседен астам өсіп, нарықтағы үлесі шамамен 20%-ға жетті.

Болжам бойынша, қолайлы баға саясаты мен мемлекеттік қолдау жағдайында бұл көрсеткіш 2035 жылға қарай 60%-ға дейін өсуі мүмкін. Аймақтағы бірқатар елдер, соның ішінде ең ірі нарықтардың бірі – Вьетнам, қазіргі энергетикалық дағдарысқа жауап ретінде салықтық жеңілдіктерді кеңейту немесе ұзарту жоспарларын жариялады.

Әлемде импортталатын электромобильдердің жартысынан астамы Қытайдан келеді

Электромобильдер негізгі нарықта баға жағынан бәсекеге қабілетті бола бастаған. Бұл, әсіресе жанармай бағасының тұрақсыздығына алаңдайтын тұтынушылар тарапынан сұранысты арттыруы мүмкін. Болжам бойынша, 2035 жылға қарай әлемдегі электромобильдер паркі (екі және үш дөңгелекті көліктерді қоспағанда) қазіргі шамамен 80 миллионнан 510 миллионға дейін өседі.

Оқи отырыңыз:

• Скляр еліміздегі 20 жаңа электр қуаттау стансасы мен электромобильдердің автопилот режимі туралы айтты
• Маск тарихтағы 700 миллиард доллар байлығы бар алғашқы адам 
• Hyundai Apple-мен бірлесіп пилотсыз электромобильдер шығармақшы