Әзербайжан туын жерден көтеріп орнына қойған оқушы екі елдің сүйіспеншілігіне бөленді

Түркістан облыстық полиция департаментінің басшысы әлеуметтік желілерде тараған видеодан кейін танылған 11-сынып оқушысы Нұрсұлтан Базарбайұлымен кездесті. Оқушы жерде жатқан Әзербайжанның мемлекеттік туын көтеріп орнына қойып құрмет көрсеткен, деп хабарлайды Orda.kz.

Кездесу барысында ПД басшысы Арыстанғани Заппаров оқушының азаматтық ұстанымын, жауапкершілігін және мемлекеттік рәміздерге деген құрметіне алғыс білдірді.

Сонымен қатар, кездесу кезінде облыстық полиция басшысы Нұрсұлтанға Шерхан Мұртазаның кітабын сыйға тартты. Айта кетейік, Түркістанда түсірілген видеода оқушы қатты желден құлап қалған Әзербайжан туын көтеріп, оны ұқыптар тұрып орнына қайта орнатқан.

Бұл оқиға әлеуметтік желілерде кеңінен талқыланып, қолданушылардың оң пікір білдіріп жатыр. Оқушының бұл әрекеті Қазақстанда ғана емес, Әзербайжанда да қолдау тауып, екі ел арасындағы достық пен өзара құрметтің символы ретінде бағаланды.

Оқи отырыңыз:

• Алматы полициясы түлектердің ата-аналарына ескерту жасады
• Ұлттық банк 2027 жылдан бастап несие санына шектеу енгізеді
• Астанада екі пәтерді жалға алып есірткі дайындаған адам ұсталды