Зеленский: Украина Еуроодақтың «қауымдастырылған мүшесі» болмайды

Германия канцлерінің Украинаға Еуроодақтың «қауымдастырылған мүшесі» мәртебесін беру туралы ұсынысы Еуропада көп талқыланды. Бірақ бұл бастама Украина президенті Зеленскийге ұнамай, ол оған қарсы шықты, деп хабарлайды Orda.kz.       

Berliner Morgenpost газетінің тілшісі Торстен Кнуфтың айтуынша,  ЕО ішінде жаңа мүшелерді жедел қабылдауға ниет аз.  Азаматтарды «мұндай жағдайда Еуроодақ әлі де тиімді жұмыс істей ала ма және оның шығынын кім өтейді» деген сұрақ алаңдатады. Оның айтуынша, Фридрих Мерц «Еуропаның ықпалын кеңейтуді» көздейтін «қатаң геосаяси бағыт» ұстанып отыр.

Neue Osnabrücker Zeitung (NOZ) газетінің журналисі Томас Людвиг бұл бастаманы «ниеті жақсы, бірақ ЕО үшін салдарын болжап болмайды» деп бағалайды.

«Киевтің қазіргі «күрделі жағдайына» байланысты Украинаға дәл қазір толыққанды мүшелік беру «жауапсыз қадам» болар еді. «Канцлер ұсынып отырған ерекше мәртебе – түбінде толық мүшелікке әкелетін процесс ретінде – қате жол» деп қорытындылайды NOZ тілшісі. 

TAZ газетінің журналисі Эрик Бонзе бұдан да қатаң пікір білдіреді. 

«Украинаға «қауымдастырылған мүше» мәртебесін беру ұсынысы «артық қана емес, қауіпті» де. Осы уақытқа дейін ЕО (Киевке) көмек көрсетуге міндетті болған жоқ. Ал енді Мерц Украинаға еуропалық қауіпсіздік кепілдіктерін беріп, ЕО туралы шарттағы өзара көмек туралы ережені іске қосуды көздеп отыр. Мұндай жағдайда Ресеймен соғыста шиеленіс күшейсе, ЕО елдері Киевке көмектесуге міндетті болады. Бұл нені білдіретінін ешкім нақты білмейді», – деп ескертті Бонзе. 

Украина президенті Владимир Зеленкий болса Мерц ұсынған ЕО-дағы «қауымдастырылған мүше» мәртебесіне қарсы шықты.

Осындай мазмұндағы хатты Украина президенті 22 мамырда Еуроодақ басшылығына жолдап та қойды. 

«Егер Украина Еуроодақта болып, бірақ дауыс беру құқығына ие болмаса, бұл әділетсіз болар еді. Украина мүшелігі мәселесін толық әрі мазмұнды қарайтын уақыт келді» деп жазылған хатта. 

Владимир Зеленский Еуропа көшбасшыларына Украинаға көрсеткен қолдауы үшін алғыс айтып, Венгрияда Виктор Орбанның биліктен кетуі ЕО-ға мүшелік жөніндегі келіссөздерде ілгерілеуге мүмкіндік ашқанын атап өтті.

«Біз Еуропаны толықтай қорғаймыз – жартылай емес, уақытша шара қажет емес. Украина Еуропадағы әділ көзқарас пен тең құқыққа лайық» деп жазды Украина басшысы.  

 
Жақында Владимир Зеленский Ресей Украинаның солтүстігі арқылы соғысты кеңейтудің бес сценарийін қарастырып отырғанын мәлімдеді. 

Оқи отырыңыз:

• Украинада әскери тұтқын мәртебесі бар 12 қазақстандық отыр
• Зеленский: Ресей жаңа «шабуылдың бес сценарийін» дайындап жатыр
• Украина Ресейдің мұнай инфрақұрылымына ауқымды соққы жасады