Байзақтан береке кетті: оқ-дәрілер қоймасында тағы да жарылыс болды

Жамбыл облысының тұрғындары әлеуметтік желілерде сағат 11:30 шамасында Байзақ ауданы Сарыкемер ауылының маңындағы оқ-дәрілер қоймасында екі жарылыс болғанын жазды.

Бұл туралы Orda.kz хабарлады.

«Онтүстік» өңірлік қолбасшылығы әскерлерінің қолбасшысы 12 және 13 қазанда арнайы бөлінген орындарда сағат 11:00, 12:00 және 16:00 басқарылатын жарылыстар жүргізілетіні туралы хабарлама таратқан.

Əскери бөлімдегі жинақталған миналарды тауға көшіріп, арнайы дайындалған орында жарылыстар болатыны және ол бақылауға алынатыны айтылды.

«Бүгін сағ 11.00-де, 12.00-де және 16.00-де жару жұмыстары әскерилермен жүргізіледі. Қорқып, үрейге бой алдырмаңыздар!

2021 жылдың 12 қазаны мен 13 қарашасы аралығында сағат таңғы 9-дан кешкі 18:00 дейін, аудан аумағында әскери үлгідегі жарылуға қауіпі бар заттардың бөліктерін жою жоспарланған. Әскери үлгідегі жарылуға қаупі бар заттардың бөліктерін жою апта сайын дүйсенбі мен жұма күндері (сенбі және жексенбі күндерінен басқа) жүргізіледі» делінген хабарламада.