Батыс Қазақстанда киік ату басталды

Батыс Қазақстан облысында киік санын реттеу үшін киіктерді ату жұмыстары басталды. Киік ату жұмыстары 30 қарашаға дейін болады, деп хабарлайды Orda.kz.

Батыс Қазақстандағы киік популяциясын реттеуге 40-қа жуық маман тартылып, 4 арнайы бригада жасақталған. 

«Киік популяциясын реттеу табиғи тепе-теңдікті сақтау, жайылымдарға келетін зиянның алдын алу және ауыл шаруашылығы алқаптарын қорғау мақсатында жүргізіледі»,  деп хабарлады БҚО әкімдігі. 

Облыс аумағында киік саны 2,3 млн басқа жеткен. Соның 20% — 460 мың киікке дейін ғана атылады.

Киік еті арнайы белгіленген ет өңдеу кәсіпорындарына жеткізіледі.