Ұлт рухының айнасы: Қазақстан академиялық тарихының алғашқы томы қаралды

Мемлекеттік кеңесші Ерлан Қариннің төрағалығымен «Қазақстан тарихы: ежелгі дәуірден бүгінге дейін» атты жеті томдық академиялық басылымды әзірлеу жөніндегі редакция алқасының алғашқы отырысы өтті, деп хабарлайды Orda.kz.

Ақорда хабарлағандай, жиын барысында басылымның алғашқы томы — көне дәуірге арналған бөлім қаралды. Онда мазмұндық құрылым, ғылыми тұжырымдама және иллюстратив материалдар сарапқа салынды.

Академиялық томның жетекшісі, Ә.Х. Марғұлан атындағы Археология институтының бас директоры Ақан Оңғарұлы баяндамасында томның негізгі концептуалдық қырларын таныстырды. Ұсынылған нұсқаға Ұлттық ғылым академиясының академигі Жәкен Таймағамбетов, тарих ғылымдарының кандидаты Виктор Мерц және тарихшы Нұрсан Әлімбай секілді сарапшылардың рецензиялары тыңдалды.

Редакция алқасының мүшелері ұсынылған құрылым мен мазмұн бойынша пікір алмасып, алда тұрған дайындық кезеңдеріне назар аударды. Басылымның макетін бекіту мен баспаға дайындау – алқаның алдағы міндеті ретінде белгіленді.

Келесі отырыс 2025 жылдың тамыз айында өтеді. Онда академиялық көптомдықтың екінші томы – ежелгі заманнан кейінгі кезеңді қамтитын бөлім талқыланбақ.