Іс сотқа өтті: Қасақана өлтіріп, Жайыққа тастаған бойжеткеннің мүрдесі табылмады

Қасақана өлтіріп, мәйітін Жайыққа тастаған Яна Легкодимова есімді бойжеткеннің денесі сол күйі табылмады. Жарты жыл бұрын жоғалған Яна Лекодимованың ісі енді сотқа өтті, деп хабарлайды Orda.kz.

2024 жылдың күзінде 23 жастағы Яна Легкодимова іс-түзсіз жоғалып кеткен еді. Тергеу мәліметіне сүйенсек, бойжеткен қызды 24 және 25 жастағы ер азаматтар өлтіріп, Жайық өзеніне тастаған.

«Зерттеу аяқталып, іс сотқа жіберілді»,
деді атырау полициясы. 

Айлар бойы жас қыздың денесін іздеу шаралары жүргізілді. Алайда денесі табылмады. 

Қылмыстық іс адам ұрлау және өлтіру баптары бойынша қозғалды. Мүрде табылмағандықтан, сот Янасыз өтеді. Бұл сирек кездесетін әрі күрделі жағдай. Бірақ заңгерлердің айтуынша,  куәгерлер және басқа да дәлелдер болса, сот үкім шығаруға құқылы.

Қазір айыпталушылар қамауда отыр. Оларға ұзақ уақытқа, тіпті өмір бойына бас бостандығынан айырылу жазасы тағайындалуы мүмкін.

Жақындарының сөзіне қарасақ, Яна ашық жарқын әрі табысты, еңбекқор қыз болды. Ол мектепті үздік бағаға бітіріп, Атырау Мұнай және газ университетінде «мұнай-газ ісі» мамандығы бойынша оқуға грантқа түсті. Магистратураны аяқтады. Оқып жүріп-ақ, Яна Қазақ ғылыми-зерттеу геологиялық барлау мұнай институтында әзірлеуші болып жұмыс істей бастады. Ол аспирантурада оқуын жалғастыруды жоспарлап жүрген еді. Достары мен әріптестері оны мейірімді, еңбекқор және көңілді адам деп еске алады.