Талдықорғанда балабақша тәрбиешісі бала ұрды. Прокуратура істі бақылауға алды

Әлеуметтік желіде мұғалімнің баланың басынан ұрғаны туралы бейнебақылау камерасына түскен видео пайда болды. Жетісу облыстық прокуратурасы оқиғаға қатысты түсініктеме берді, деп хабарлайды Orda.kz.

Оқиға Талдықорғандағы балабақшалардың бірінде болған.

«Балабақшада осындай қызметкерлердің жұмыс істейтіні өкінішті» делінген сипаттамада. 

Бейнежазбада полиция қызметкерлері оқиға түсірілімдерін қарап жатыр.

Жетісу облыстық прокуратурасы бұл істі өз бақылауына алғанын хабарлады.

«Жетісу облысының прокуратурасы Талдықорған қалалық ІІБ бұл фактіге баса назар аударғанын хабарлады. Тергеу барысы облыстық прокуратураның бақылауында», делінген ведомство хабарламасында.