Өз әкесінен алимент өндіріп алған студент. Істің жай-жапсары

Сотта қыздың Абай Мырзахметов атындағы Көкшетау университетінің күндізгі бөлімінің бірінші курсына ақылы негізде оқуға түскені айтылды. Кәмелет жасына толғаннан кейін әкесі алимент төлеуді тоқтатқан, деп хабарлайды Orda.kz.

Студенттің тұрақты табысы жоқ. Күндізгі оқуына толық көңіл бөлетіндіктен, жұмысқа да орналаса алмайды. Ол қаражатын оқу ақысын төлеуге, тұрғын үй жалдауға және басқа да міндетті қажеттіліктерге жұмсайды.

Әкесі қызына қаржылай қолдау көрсетуден бас тартпаған. Алайда ол өзінің материалдық жағдайының қиындығын және отбасындағы басқа да балаларын ескеруді сұраған.

Сот ер адамның екінші некесінен бес кәмелетке толмаған баланы тәрбиелеп отырғанын анықтады. Оның тұрақты жұмысы бар, сонымен қатар несие төлеп, басқа да қаржылық міндеттемелерін орындап жүрген екен.

Судья ата-аналардың балаларын материалдық тұрғыдан қамтамасыз ету жөніндегі тең міндеттерін, сондай-ақ студенттің ақылы бөлімде оқитынын және өз бетінше табыс табатын қаражаты жоқ екенін ескерді.

Нәтижесінде сот әкесін қызына университетті бітіргенге дейін ай сайын 17 айлық есептік көрсеткіш, яғни 73 525 теңге көлемінде алимент төлеуге міндеттеді.

Сот шешімі заңды күшіне енді.

Оқи отырыңыз:

• Алматыда ақбөкеннің бір тонна мүйізі 1,2 млрд теңгеге сатылымға шығарылды
• Канье Уэстің концерті өтетін күні Алматыда үш көше жабылады: Алаяқтар билет сатып жатыр