«Отбасы банк» қызметкерлері тұрғын үй кезегін сатқаны анықталды

2025 жылы «Отбасы банк» өз қызметкерлерінің қатысуымен болған бірнеше сыбайлас жемқорлық схемасын анықтады. Бұл туралы Қазақстан қор биржасында жарияланған банктің жылдық есебінде айтылған, деп хабарлайды Orda.kz.

Банк мәліметінше, қызметкерлер клиенттерді тұрғын үй кезегінде жылжыту және риелторлар, нотариустар мен жеке сот орындаушыларының мүддесін лоббилеу үшін заңсыз сыйақы алған.

Филиалдардың бірінде қызметкер клиенттердің төлем қабілетін растауы тиіс жалған табыс туралы анықтамалар да жасаған. Кейін бұл құжаттар несие өтінімдеріне тіркелген.

Банк аталған қызметкерлерді сенім жоғалуына байланысты жұмыстан шығарып, құқық қорғау органдарына жүгінген. Анықталған факт бойынша қазір бірнеше қылмыстық іс тергеліп жатыр.

Оқи отырыңыз:

• Нұрай Серікбайдың өлімі үшін 10 млрд теңге өтемақы: Марқұмның ағасы отбасы талабын түсіндірді
• Алматыда ақбөкеннің бір тонна мүйізі 1,2 млрд теңгеге сатылымға шығарылды