Алматы қаласы Бостандық ауданына қарасты «Мамыр, Таң, Достық» тұтынушылар кооперативінің тұрғындары «алаяқтықпен жерімізді тартып алды» деген талаппен наразылық білдіруге жиналды.

Бұл туралы Orda.kz хабарлайды.

Саяжай тұрғындарының айтуынша, осыдан 13 жыл бұрын «Таң» өндірістік кооперативін басқарған Күләш Келмурзанова қызметте отырған уақытында тұтынушылар кооперативінің (бұдан әрі ТК) жерін өзінің күйеу баласының атына уақытша тіркеп қойған. Ал, қазіргі таңда сол жерді күйеу баласының жекеменшігі екенін алға тартып, соттасуға дейін барған. Сотта халықтың уәжін ескерілмей, жеңіп кеткен. ТК тұрғындары сот шешімімен келіспейді.

Тұтынушылар кооперативінің тұрғындары наразылық білдірді

Наразы тұрғындар «Тұрғындар талабына құлақ асыңдар», «Біз әділетті сот шешімін талап етеміз», «Біз судья Ғалия Мұратқызының әділетсіз шешіміне қарсымыз»» деген жазулары бар плакаттарын алып «Таң» өндірістік кооперативінің алдында жиналды.

Тұтынушылар кооперативінің тұрғындары наразылық білдірді
Тұтынушылар кооперативінің тұрғындары наразылық білдірді

– Бұрында осы бірлестікті басқарған Күләш Келмурзанова ханымның КСК ге тән ортақ жер телімін күйеу баласының атына заңсыз тіркеп, араға 13 жыл салып толық иемденіп алуға талпынуы шын мәнінде қылмыс. Ал судья Ғалия Онланбекова ханымның дәлел – дәйектерді ескермей, соншама тұрғынның құқығын аяққа таптайтын шешім шығаруға не себеп болғаны бізге мүлдем түсініксіз.

     Біз қала әкімі Бақытжан Әбдірұлы Сағынтаев мырзадан, Алматы қалалық сотының төрағасы Смаилов Асқар Спартакович мырзадан аталған әделітсіздікке жол бермеуге шақырамыз.

     Біз ортақ мүлкімізді қорғау және әділеттілікке қол жеткізу жолында топтасып үндеу жасайтынымызды мәлімдейміз, – дейді саяжай тұрғыны Алмас Ахметбекұлы.

Бостандық аудандық сотының шешімімен келіспейтін ТК өкілдері Алматы қалалық әкімдігі мен қалалық сотқа арыз жазатындарын, талап орындалмаған жағдайда наразылық жиынын ұйымдастыратынын айтты.

Тұтынушылар кооперативінің тұрғындары наразылық білдірді

Тұрғындардың айтуынша, бұл балалар ойнайтын жалғыз алаң. Олар жан-жағын жайқалтуға тырысып жүрген тұрғындардың жері жекеменшікке айналып кете ме деп қорқады.

– Олар саяжайды алаяқтық жолмен алып отыр. Біз бұл жерге қоқыс тастайтын орын жасадық, сонымен қатар тұрғындардың проблемаларын шешу үшін жиындардың барлығы осы жерде өтетін. Күләш жұмыстан кеткеннен кейін күйеу баласы Қуаныш екеуі осы жерге таласып тұр, бұл олардың емес, тұрғындардың жері, – дейді «Таң» өндірістік кооперативінің төрағасы Александр Березин.

Бөлісіңіз: