Шымкентте сот әйелін пышақтап өлтірген адамды 8 жылға қамады
Шымкенттегі Абай аудандық соты қызғаныштан азаматтық некедегі әйелін пышақтап өлтірген 48 жастағы Дінмұхамед Төлебековті 8 жылға қамады. Ол жазасын қауіпсіздігі орташа түзеу мекемесінде өтейді.
Судья Арна Қасенова айыпталушы Төлебековті Қылмыстық кодекстің «Денсаулыққа қасақана ауыр зиян келтіру» бабымен (106-бап) кінәлі деп танып, 8 жылға қамады.
Төлебеков үш жылдан бері азаматтық некедегі әйелі Жақсыгүл Әмірованы өз үйінде ішіне пышақ сұғып, өлтірді деп айыпталды. Әмірова ауыр жарақаттан аурухананың жан сақтау бөлімінде тілге келмей қайтыс болған. Марқұмның артында бірінші некесінен кәмелет жасқа толмаған екі баласы қалды.
Айыпталушы сот тергеуінде кінәсін толық мойындайтынын, шын өкінетінін айтқан. Соттан бас бостандығынан айырмайтын жаза тағайындауды сұрады.
Сотталушының қылмысқа баруына қызғаныш себеп болған.
Қайғылы оқиға болмай тұрып ерлі-зайыптылар достарымен бірге туған күн тойлаған. Әйелі өзге ер адаммен билегеніне ашуланған Төлебеков сол арада жанжал шығарған. Түн ортасында үйіне келгенде Әмірованы сөз қайтарғаны үшін асханадан пышақты алып, ішіне сұғып алған.
Сот сотталушыға жазадан бөлек жәбірленуші деп танылған Әмірованың анасына бір миллион теңге көлемінде моральдық өтем төлеуді міндеттеді.
Бұдан бұрын Түркістан облысында әйелін ұрып өлтірген екі адамды сот қамаған. Олардың бірі - «Адам өлтіру», екіншісі - «Денсаулыққа қасақана ауыр зиян келтіру» бабымен кінәлі деп танылған.
Жаңалықтар
- Жыл басынан бері мемлекет пайдаланылмай жатқан 645 мың гектар жерді қайтарды
- Өнеркәсіп министрі депутаттармен және белсенділермен қайта өңдеу төлемі мәселесін талқылады
- Тоқаев «Халықтың көші-қоны және қылмыстық-атқару жүйесі туралы» заңға қол қойды
- Атырау облысы Мақат ауданының әкімі Ринат Ибрагимов мәлімдеме жасады
- Қазақстанда теократиялық жүйе орнатқысы келген 8 адам сотталды
- Қазақ тілін және ел тарихын білмейтіндер Қазақстан азаматтығынан шығарылады
- «Медеу» табиғи саябағындағы 35 гектар болатын 10 жер телімі мемлекетке қайтарылды
- «ҚазАвтоЖол» жол бойындағы сервисті дамытуға шақырады
- «Қазақфильм» жобалары мемлекет қаражатының 95 пайызын өтемейді
- Маңғыстау облысының жаңа әкімі таныстырылды
- Құлсарылықтарға Қаржы министрлігі көмектесе ме?
- 350 мың доллар пара беруге итермелеп, он жылға бас бостандығынан айырылды
- Атырау облысының әкімі Шәпкенов төтенше жағдайларды жою жөніндегі штаб отырысын өткізді
- «Азаттық» тілшісіне қоқан-лоқы жасалды
- Бюджеттегі ысырапшылдық: 500 миллиард теңгеге жуық қаржы құрдымға кетті
- Полиция Жылыой әкімдігі алдында шатыр тігуге бөгет жасады
- Тараз полицейлері тыныс алуы тоқтаған баланы аман алып қалды
- Су басқан аймақтардағы оқушылар емтиханнан босатылады
- Лудомандар санын азайту үшін 80 млн теңге бөлінуі мүмкін
- Новороссийскіге ұшқышсыз шабуыл: Қазақстан мұнайының экспортына қауіп төніп тұр ма?