Шығыс Қазақстан облысында КСРО-ны қайта құруды жақтаушы сепаратизм үшін сотталды

Шығыс Қазақстан облысын Ресейге қосуға шақырған Алтай тұрғыны бес жылға сотталды.

Галина Дагинтен Алтайдағы Ленин ескерткіші бұзылғаннан кейін сепаратизм белгілерін ашық көрсете бастады. Ол өз ойын әлеуметтік желіде айтып, Шығыс Қазақстан Ресейге тиесілі болуы керек деп мәлімдеді.

«Шығыс Қазақстан Ресей аумағына жатады, басқа ескерткіштер қайда баратынын көреміз. Ленинді сіз орнатқан жоқсыз және оны алып тастауды сіз шешпейсіз, әсіресе осындай әдіспен»  деп жазды әйел Instagram парақшасында осы жылдың тамыз айында.

Алтайлық әйелдің пікірінен кейін қолданушылардың наразылығы мен этникалық қорлау жауды.

Айтпақшы, сот ісі материалдарында Галина Дагинтен аймақты көрші мемлекетке қосуды жақтаушы ретінде ғана емес, сонымен қатар КСРО-ны қалпына келтіру идеясын ұстанатын адам ретінде де сипатталды.

Дагинтеннің өзі сотта оның ешқандай арам ниеті жоқ екенін мәлімдеді.

«Оның Қазақстан Республикасы Конституциялық құрылысына немесе заңнамасын бұзуға қарсы арам ниеті болмаған. Ол Қазақстанда туып-өскен, елін сүйетінін... Жасағанына өкініп, кешірім сұрайды» делінген сот үкімде.

Нәтижесінде Алтай аудандық соты әйелді Қазақстан Республикасы Қылмыстық кодексінің 180-бабының 2-бөлігімен «сепаратистік әрекет» бойынша кінәлі деп танып, бес жылға бас бостандығынан айыру жазасын орташа тәртіптегі колонияда өтеу жазасына кесті.

Сотталған әйелдің кәмелетке толмаған екі бала тәрбиелеп отырғаны ескеріліп, жазаны орындау бес жылға кейінге шегерілді.