Сәкен Майғазиевтің белсендіні сотқа бергені хабарланды

cover

Шымкент қалалық мәдениет үйінің басшысы, әнші Сәкен Майғазиев Демократиялық партия бастамашыл тобының белсендісі Аружан Дүйсебаеваның үстінен сотқа арызданғаны хабарланды.

Бұл туралы Orda.kz хабаралайды.

Бастамашыл топ жетекшісі Жанболат Мамай өз facebook парақшасында сотқа шақыртуды 13 шілде күні кешкі уақытта естігендерін жазды.

– Жаңа ғана белгілі болды, әнші Сәкен Майғазиев Демократиялық партия мүшесі Аружан Дүйсебаеваны сотқа берді. Жай сот емес, қылмыстық іс бойынша. 131-бап (Қорлау) бойынша арызданып, Аружанды соттатпақ. Аружанға ешқандай алдын ала хабар берілмеген, сот құжаттары жіберілген жоқ. Қазір ғана хабарласып, 15 шілде күні сағат 12-00 Шымкенттің Қаратау аудандық сотында ісі қаралатыны туралы айтқан. Оған дейін қорғаушыны қайдан табады? Іс материалдарын неге алдын ала жібермеген?,- дейді белсенді.

Белсенді әншінің арыздануының астарында саяси себеп болуы мүмкін екенін жазды.

– Біздің пайымдауымызша, Майғазиев наурыз айында болған дау-дамайға қатысты сотқа арызданып отыр. Ол кезде журналистер Шымкент әкімдігінің Наурыз тойлауға жүздеген миллион теңге бөлгенін, алайда ешқандай мерекелік іс шаралардың өтпегенін жазды. Арасында Майғазиевтің де фамилиясы аталды. Бұл туралы Аружан Дүйсебаева да айтқан болатын. Бірақ, ондай жағдайда Майғазиев басқа журналистерді неге сотқа бермей, дәл Аружанға қарсы неге арыз жазды? Демек, мұның астарында саяси себеп жатуы мүмкін. Шындықты айтып, митингтерге шығып жүрген қазақтың қызын қудалау үшін,- дейді Мамай.

Жаңалықтар

барлық жаңалықтар