Қостанайда 3 қыркүйек күні «Қару-жарақ палатасы» дүкенінде жарылыс болып, арты қатты өртке ұласты. Оқиғаның себебі әлі анықталуда.
Жарылыс туристік бөлімде болып, жалын бүкіл дүкенді қамтыған. Шатыр мен төбелер құлап, ғимарат толығымен өртеніп кеткен.
«Әлбетте, аң аулауға арналған құралдар, дүкендегі басқа тауарлар мұндай күшті жарылысқа себеп бола алмайды. Бүгінгі күні оқиғаның мән-жайы анықталып, тергеу жүргізіліп жатыр. Өкінішке қарай, қару-жарақ дүкенінің қызметкерлері мен дүкенге келгендер зардап шекті» делінген дүкен басшылығының хабарламасында.
Қайғылы жағдайдан төрт адам қайтыс болды:
Ефимов Юрий Дмитриевич, сатушы-кеңесші;
Кравченко Вячеслав Викторович, қару-жарақ шебері;
Мырзабеков Темірлан Ержанұлы, сатушы-кеңесші;
Неводничий Александр Борисович, сатушы-кеңесші.
