Қазақстанда дипломдар QR код арқылы беріледі

Қазақстанда сертификаттар мен дипломдар цифрлық форматта QR коды арқылы беріледі. Әрбір студенттің өзінің цифрлық профилі және білім туралы құжат алудың ең танымал қызметтері болады. Барлығы Egov арқылы қамтамасыз етіледі.

Бұл туралы Үкімет отырысында Білім министрі Асхат Аймағамбетов мәлімдеді.

«Колледждерде білім беру бағдарламаларының, сондай-ақ студенттердің профильдері мен QR кодын генерациялай отырып, цифрлық дипломдар берудің бірыңғай тізілімін жасайтын боламыз. Яғни, сұранысқа ие барлық қызмет Egov және ірі банктердің мобильді қосымшалары арқылы көрсетіледі» деді министр.

Сондай-ақ ол қазақстандық мектептерге академиялық автономия беріліп, оларды бағалау критерийлері қайта қаралатынын айтты.