Қазақстанда іздеуде жүрген 371 шетелдік анықталды, 107 адам ұсталды

Жыл басынан бері қазақстандық полицейлер басқа мемлекеттердің құқық қорғау органдары іздестіріп жатқан 371 адамның жүрген жерін анықтады. Олардың 107-сі ұсталды, деп хабарлайды Orda.kz.

Сонымен қатар Қазақстанның құқық қорғау органдары іздеуге жариялаған 80 адам шетел аумағынан табылды. Олардың 47-сі ұсталған.

Іздеуде жүргендердің бірі Алматы қаласында Интерполдың сұрауы бойынша қолға түсті. Ол — Хорватия шаңғы қауымдастығының бұрынғы басшысы.

Өз елінде оған қылмыстық топ құрды, бөтеннің мүлкін жымқырды және заңсыз жолмен алынған қаражатты заңдастырды деген күдік келтіріліп отыр. Тергеу мәліметінше, келтірілген шығын көлемі шамамен 30 миллион еуро болуы мүмкін.

Оқи отырыңыз: 

• NASA: Artemis III – адамзаттың Айды қайта игеру жолындағы маңызды миссия
• Алматыдағы Hilton қонақүйі жабылды: 170 қызметкер бір күнде жұмыссыз қалды