Тергеудегі Тәшиев көпшілік алдына шығып Жапаровты мақтады

Қырғызстан Ұлттық қауіпсіздік мемлекеттік комитетінің бұрынғы төрағасы Камчыбек Тәшиев қызметінен кеткеннен кейін тағы да көпшілік алдына шықты, деп хабарлайды Orda.kz.

Әлеуметтік желіде тараған видеода Тәшиев Сокулук ауданындағы Қызыл-Туу ауылында көпбалалы отбасына жаңа үй сыйлап, жиналған жұрт алдында сөз сөйлеген. Ол бұл бастаманы мемлекеттік тұрғын үй бағдарламасымен байланыстырып, президент Садыр Жапаровтың тұрғындарды баспанамен қамту саясатын жоғары бағалады.

Кейін Тәшиевтің жақтастары оның Сокулукта шағын футбол алаңын ашқан тағы бір видеосын жариялады.

Әлеуметтік желі қолданушыларының пікірі екіге бөлінді: бірі оның қайырымдылық қызметін қолдаса, енді бірі мұны 2027 жылғы президент сайлауы қарсаңындағы саяси науқанның бастамасы ретінде бағалаған.

Еске салайық, Тәшиев қазіргі таңда «75 адамның хаты» деп аталатын іс бойынша айыпталушылардың бірі. Оған билікті басып алуға дайындалу және қызметтік өкілеттігін асыра пайдалану баптары бойынша айып тағылған. Өзі және басқа айыпталушылар бұл айыптарды жоққа шығарып келеді.

Оқи отырыңыз:

• Сүйіп, порно көрсетті: 15 жастағы қыз атасы жасаған анайы қылықтарды айтып берді
• «WornerBros» фильмдерін ақшаға көрсетіп, қаржы пирамидасын ұйымдастырған адам сотталды