Қазақстандық шахматшы Бибісара Асаубаева президенттен көмек сұрады
Фото: Бейнежазбадан кадр
Қазақстанның танымал шахматшысы Бибісара Асаубаева мемлекет басшысы Қасым-Жомарт Тоқаевқа видеоүндеу жариялап, кәсіби спортты қолдау мәселесіне назар аударуды сұрады. Оның айтуынша, халықаралық деңгейдегі жарыстарға дайындық кезінде қаржыландыру тапшылығы салдарынан көптеген шығындарды өзі мен ата-анасы көтеруге мәжбүр болған, деп хабарлайды Orda.kz.
Спортшының сөзінше, әлемдегі ең беделді турнирлердің бірі саналатын Norway Chess 2026 жарысына дайындыққа қажетті қаражатты өз жүлде қорынан және ата-анасының көмегімен төлеген. Сонымен қатар, команда құрамындағы аналитиктер мен секунданттардың еңбекақысы әлі күнге дейін төленбеген.
Бибісара Асаубаева жаңа Спорт министрлігі басшылығы келгеннен кейін өзінің жалақысы үш есе қысқарғанын айтты. Ол қазіргі таңда блиц шахматтан үш дүркін әлем чемпионы екенін және қазақстандық шахматшылар арасында әлем чемпионы атағын иеленген жалғыз спортшы екенін атап өтті.
Шахматшының айтуынша, ол қолдау алу үшін Спорт министрлігіне және Sport Qory қорына бірнеше рет жүгінген. Белгілі бір көмек көрсетілгенімен, кейін қаржыландыру ешқандай түсіндірмесіз тоқтатылған.
«Соның салдарынан үміткерлер турнирі сияқты аса маңызды жарысқа секунданттарымды өзіммен бірге апара алмадым. Олармен қашықтан жұмыс істеуге тура келді», – деді спортшы.
Бибісара Асаубаева сондай-ақ 2025 жылдың соңында Президент жарлығымен өзіне берілген II дәрежелі «Барыс» орденін әлі күнге дейін алмағанын мәлімдеді. Оның айтуынша, марапатты тапсыру рәсіміне қатысу үшін Астанаға үш рет барғанымен, әр жолы салтанатты жиын кейінге шегерілген.
Спортшы Президент Әкімшілігіне бірнеше мәрте хат жолданғанын да айтты.
«Сіздің атыңызға сәуір және мамыр айларында үш хат жолдадық. Әлі күнге дейін жауап жоқ. Хаттарды министрге WhatsApp арқылы да қайта жібердік. Алайда жауап болмады. Алда маңызды жарыстар, оқу-жаттығу жиындары және үлкен жұмыс күтіп тұр. Маған не істеу керек, құрметті Президент?» – деп үндеу жасады Бибісара Асаубаева.
Әзірге Спорт министрлігі мен Sport Qory қоры шахматшының мәлімдемесіне қатысты ресми түсініктеме берген жоқ.
Оқи отырыңыз:
Жаңалықтар
- Тоқаев соғысты «мұздатуды» ұсынды: Президенттің Омбыдағы мәлімдемесі нені аңғартады?
- Алматыда есірткі жарнамасы бар QR-код жапсырып жүрген адам ұсталды
- Құрылтай: Сайлауалды науқан басталды, партиялар өңірлерге шықты
- Қазақстанның киелі нысандары ЮНЕСКО тізіміне енгізілді
- Әділет министрлігі NCOC-тан мәжбүрлеп өндіру шараларын бастады
- Астанадағы нөсерден кейін көшеден 100-ден аса көлік нөмірі табылды
- АҚШ пен Сауд Арабиясы арасындағы ядролық келісім неге дауға айналды?
- АҚШ пен Ұлыбритания Ормуз бұғазындағы кеме қатынасын қорғау мақсатында халықаралық коалиция құрмақшы
- Өз стадионын Канье Уэстке қалдырып, «Қайрат» Түркістанда ойын көрсетеді
- Өз қарызын жабам деп басқаны қарызға батырған әйел сотталды
- Тамыз айында Қазақстанның бірқатар өңірінде қуаңшылық болады
- Қытай мен Еуроодақ арасында «сауда соғысы» басталды
- Астанадағы әуетакси сынағы: Алғашқы вертипорт қайда салынады?
- «Тек жәбірленушінің жауабымен соттады»: 15 және 25 жылға сотталғандардың туыстары дабыл қақты
- Ұлттық банк базалық мөлшерлемені қайтадан төмендетті — 16,75 %
- АҚШ-тың жаңа кедендік баждары: Қазақстанға қатысы бар ма?
- ІІМ блогерлер мен ақпараттық ресурс иелеріне иелеріне ескерту жасады
- «Алтыналмас» АҚ кен орнында жұмысшы қаза тапты
- ЕО Google компаниясына 890 млн еуро айыппұл салды
- Астанада көкөніс дүкеніне кіріп кеткен көлік 15 жастағы қызды жаралады
