Иран СІМ АҚШ әскери күштерін аумақтан тезірек әкетуге шақырды

Сыртқы істер министрі Аббас Аракчи AH-64 Apache тікұшағының Ормуз бұғазында апатқа ұшырауына қатысты пікір білдірді, деп хабарлайды Orda.kz.        

Оның айтуынша, Иран шекарасына жақын жерде шетелдік әскери күштердің болуының өзі олардың өміріне қауіп төндіреді, сондықтан оларды бұл аймақтан алып кеткен жөн.

Сонымен қатар, Аракчи Иранның бұл апатқа қатысы жоқ екенін жанама түрде меңзеді, бірақ оны тікелей айтқан жоқ.

«Біздің аумаққа жақын орналасқан америкалық күштер өздерінің қателіктері, түрлі оқыс оқиғалар немесе достық оқтың құрбаны болу қаупіне байланысты үнемі тәуекел аймағында жүр. Бұл тәуекелді азайтудың ең оңай жолы – оларды ол жерден шығару. Біз дипломатия тілін құп көреміз, бірақ басқа тілдерде де сөйлей аламыз» ,— деді ол.

Кеше Дональд Трамп кеше Биньямин Нетаньяхуға егер жаңа соққылар кең ауқымды соғысқа ұласса, Израиль «Иранға қарсы жалғыз қалуы мүмкін»  екенін ескертті. Бұл туралы АҚШ президенті №12 телеарнасына Нетаньяхумен телефон арқылы не сөйлескенін түсіндіру барысында мәлімдеді.

Оның айтуынша, ол Нетаньяхудан зымырандық шабуылға жауап бермеуді сұрап, Израиль соққысының ауқымын қысқартуға қол жеткізген.

Оқи отырыңыз:

• Трамп Нетаньяхуға Иранмен соғыста жалғыз қалатынын ескертті
• Иран мен Израиль соққы алмасты
• Иран Израиль әрекетінен кейін АҚШ-пен келіссөзді тоқтатты