WornerBros фильмдерін ақшаға көрсетіп, қаржы пирамидасын ұйымдастырған адам сотталды
Фото: abai.kz
Қызылорда қаласында WornerBros қаржы пирамидасының құрылымдық бөлімін басқарған тұлғаға қатысты сот үкімі шықты, деп хабарлайды Orda.kz.
Тіпті атаудағы қателік те адамдарды күмәндандырмаған.
Қызылорда қаласының соты WornerBros қаржы пирамидасының құрылымдық бөлімшесін басқарған азаматты бес жылға бас бостандығынан айырды. Істі Қызылорда облысы бойынша Қаржылық мониторинг агенттігінің департаменті тергеген.
Алаяқтық схемасы арқылы адамдарға WornerBros платформасына тіркеліп, құны 10 мыңнан 11 миллион теңгеге дейінгі VIP-пакеттерді сатып алу ұсынылған. Оның орнына күніне 735 мың теңгеге дейін табыс табасыңдар деп уәде берілген. Бұл табыс қысқа видеороликтер мен фильмдерді қарағаны үшін төленеді делінген.
Сонымен қатар, әрбір жаңа қатысушыны тартқаны үшін бонус беріліп отырған. Бұл жүйе адамдарды өзгелерді де тартуға ынталандырған. Қаржы пирамидасы WhatsApp топтары, әлеуметтік желілер және үгіт-насихат кездесулері арқылы кеңінен насихатталған.
Салымшыларды WornerBros атауының әйгілі голливудтық Warner Bros. компаниясынан өзгеше жазылғаны да тоқтата алмаған. Аталған студияның бұл жобаға еш қатысы болмаған.
Тергеу барысында салымшылардың қаражаты жиналып, аударылған криптокошельктер анықталды. Сот 3 млн USDT көлеміндегі криптоактивтерге тыйым салып, 24 жәбірленушінің азаматтық талап-арыздарын қанағаттандырды.
Бұған дейін Алматыда да Warner Bros. атауымен ұқсас схема әшкереленген еді. Ол жерде ұйымдастырушы да бес жылға сотталды. Сот 3,8 млн USDT көлеміндегі криптоактивтерге тыйым салып, 40 жәбірленушінің талап-арыздарын қанағаттандырды. Орташа «инвестиция» шамамен 225 мың теңге болған, ал төлемдер тек криптовалюта арқылы қабылданған.
Тергеп-тексеруді ҚМА Қызылорда облысы бойынша департаменті жүргізді.
Схеманы насихаттау үшін WhatsApp топтары, әлеуметтік желілердегі жарнамалар және үгіт-насихат кездесулері пайдаланылған. Тергеу барысында салымшылардың қаражатын жинақтау және аудару үшін қолданылған криптоәмияндар анықталды.
Сот санкциясымен 3 млн USDT көлеміндегі криптоактивтерге тыйым салынды. Сот айыпталушыны кінәлі деп танып, 5 жылға бас бостандығынан айыру жазасын тағайындады.
Сондай-ақ 24 жәбірленушінің азаматтық талап-арыздары қанағаттандырылды. Үкім заңды күшіне енді.
Оқи отырыңыз:
Жаңалықтар
- АҚШ алғаш рет Польша арнайы жасағын Украинадағы дрон соғысының тәжірибесі бойынша жаттықтырып жатыр
- Енді депутаттарға сауал тек баспасөз орталығында қойылуы мүмкін
- Тоқаев премьер-министр Олжас Бектеновті қабылдады
- Батыс Қазақстанда балабақша есепшісі 30 млн теңге жымқырды деген күдікке ілінді
- Тоқаев вице-президент Ерлан Қаринді қабылдады
- Непал мен Қытай шекарасындағы алапат су тасқынынан кейін хабар-ошарсыз кеткендер саны күрт өсті
- Иран президенті ШЫҰ саммитіне қатысу үшін Қырғызстанға ұшып кетті
- Қазақстан С-300 зениттік-зымыран кешенін сынақтан өткізді
- Ләззат Танысбай «Хабар» агенттігінің басқарма төрағасы болып тағайындалды
- Бектенов премьер-министр болып қайта тағайындалғаннан кейін Құрылтайда ант берді
- Ерлан Қарин Қазақстанның вице-президенті болды
- Мектептер полицияның бақылауына алынды: 283 мың камера жұмыс істеп тұр
- Олжас Бектенов ҚР премьер-министрі қызметіне ұсынылды
- Қасым-Жомарт Тоқаев вице-президент қызметіне Ерлан Қариннің кандидатурасын ұсынды
- Кипр маңында 267 адам мінген кеме аударылып, жеті адам қаза тапты
- Непалда жүздеген танылмай қалған мәйіт жаппай жерленіп жатыр
- Аризонадағы Үлкен шатқалда су тасқынынан кейін 20 адам хабар-ошарсыз кетті
- Ақтауда адам мінген катер жартасқа соғылып, екі адам қаза тапты
- АҚШ пен Иран соққы алмасты: Не болды?
- Исландия Еуроодаққа кіруден бас тартты. Ең басты себеп — балық
