Павлодар облысында 6 млрд теңгеге 11 мемлекеттік сатып алу заңсыз деп танылды

Павлодар облысында сот 11 мемлекеттік сатып алуды заңсыз деп таныды.

Бұл туралы облыстық прокуратура хабарлады.

Оған себеп – жеткізушілерді бәсекелессіз таңдау әдісі.

«Еңбек-Өскемен» РМК филиалымен және «КазСтройСервис» ЖШС-мен бір көзден алу тәсілімен негізсіз жасалған келісім-шарттардың жалпы сомасы 6 млрд теңге болды» деп түсіндірді қадағалаушы мекеме.

Сондай-ақ, Павлодар қаласы әкімдігінің құрылыс бөлімінің басшысы мемлекеттік сатып алу туралы заңнаманы бұзғаны үшін әкімшілік жауапкершілікке тартылды.