Пәкістандағы теракт: Жанкесті лаңкес жолаушылар пойызын жарып, 24 адам қаза тапты

Пәкістанның оңтүстік-батысындағы Белуджстан провинциясында пойызда жарылыс болып, кемінде 24 адам қаза тауып, 70-тен астамы жарақат алды, деп хабарлайды Orda.kz.        

Кветта қаласында теміржол өткелінде жанкешті лаңкес жарылғыш зат тиелген көлікпен әскери қызметкерлер де болған жолаушылар пойызына соқтығысқан.

Қуатты жарылыстан екі вагон аударылып, өртеніп кеткен. Сондай-ақ маңайдағы ғимараттар мен 10-нан астам тұрақта тұрған көлік зақымданған. Кветта қаласының ауруханаларында төтенше жағдай режимі жарияланды.

Шабуыл үшін жауапкершілікті Белуджстанды азат ету армиясы сепаратистік тобы өз мойнына алды. Бұл оқиға аймақтағы инфрақұрылым мен қауіпсіздік күштеріне жасалған шабуылдардың жалғасына айналды. Осы жағдайға байланысты Пәкістан билігі терроризмге қарсы операцияларды бастап кеткен.

Оқи отырыңыз:

• Қазақстан мен Гонконг қаржы ұйымдары арасында тікелей көпір қалыптаса бастады
• Атырауға келген Қуат Хамит айыппұл арқалап, ол қатысқан жарыста төбелес шықты
• Алматыда әл-Фараби даңғылындағы жол-көлік оқиғасы бойынша үш қылмыстық іс тергеліп жатыр