Жамбыл облысындағы шопан 42 жасында алғаш рет жеке куәлік алды

Жамбыл облысы Қордай ауданының тұрғыны Самат Жанеков алғаш рет Қазақстан азаматының жеке куәлігін алды, деп хабарлады ҚР ІІМ Көші-қон қызметі комитетінің баспасөз қызметі.

Ер адам өмір бойы жеке басын куәландыратын құжатсыз өмір сүрген. Тіркеудің және тұрақты мекенжайдың болмауына байланысты ол ұзақ уақыт бойы қиын өмірлік жағдайда болып, азаматтық құқықтарын толық пайдалана алмаған.

Соңғы жылдары Самат Жанеков Қордай ауданының шалғай таулы аймағында шопан болып жұмыс істеген.

Қордай аудандық полиция бөлімінің көші-қон қызметі қызметкерлері мұрағаттық деректерді жинап, жеке мәліметтерін тексеріп, қажетті сұраулар жолдап, құжаттардың толық дайындаған. Барлық кезеңде ер адамға практикалық және кеңестік көмек көрсетілген.

Нәтижесінде оның жеке басы анықталып, құқықтық мәртебесі расталды. Соның арқасында Қазақстан Республикасы азаматының жеке куәлігі рәсімделді. Самат Жанеков құжатты 20 мамыр күні алған екен.

Оқи отырыңыз:

• Лионель Месси долларлық миллиардер атанды
• Зеленский: Украина Еуроодақтың «қауымдастырылған мүшесі» болмайды
• Әзербайжан туын жерден көтеріп орнына қойған оқушы екі елдің сүйіспеншілігіне бөленді