Қарағандыда Lada жүргізушісі 20 жастағы қызды қағып, ол оқиға болған жерде қаза тапты

Қарағандыда 33 жастағы Lada автокөлігінің жүргізушісі жолды белгіленбеген жерден кесіп өтпек болған 20 жастағы қызды қағып кеткен. Қыз оқиға орнында қайтыс болды, деп хабарлайды Orda.kz.       

Мәліметке сәйкес, жол-көлік оқиғасы түнгі уақытта Қарағандыдағы Бөкетов атындағы университет жатақханасының маңында, Университет көшесінде болған.

Қарағанды облыстық полиция департаментінің хабарлауынша, 23 мамыр күні осы көшемен жүріп келе жатқан Lada жүргізушісі жолдың рұқсат етілмеген тұсынан өтіп бара жатқан жаяу жүргіншіні қағып кеткен.

«Жол-көлік оқиғасы салдарынан жаяу жүргінші оқиға орнында көз жұмды. Аталған факт бойынша қылмыстық іс қозғалып, тергеу амалдары жүргізіліп жатыр»,  деп хабарлады ведомство. 

Полиция департаменті жүргізушілер мен жаяу жүргіншілерді жол қозғалысы ережелерін қатаң сақтауға, жолда барынша мұқият әрі жауапты болуға шақырды.

Оқи отырыңыз:

• Астана қалалық ауруханасында медбикеден туберкулёз анықталды
• Германияның солтүстігінде алғаш рет өлімге әкелетін борна вирусы тіркелді
• Вашингтондағы Ақ үй маңында атыс болды