Қазақстан мен Гонконг қаржы ұйымдары арасында тікелей көпір қалыптаса бастады

Алматы қаласы әкімінің орынбасары Олжас Смағұлов бастаған делегация Гонконгте инвестициялық, банктік және іскерлік орта өкілдерімен бірқатар кездесу өткізді, деп хабарлайды Orda.kz.        

Алматы қаласы әкімінің орынбасары Олжас Смағұлов бастаған делегация Гонконгте іскер топтармен кездесіп, Алматы мен Гонконг арасында қаржылық және инвестициялық дәліз ашуды талқылады. Тараптар екі қаланың экономикалық байланысын нығайту бойынша маңызды келіссөздер жүргізді.

Негізгі назар — іскерлік байланыстарды нығайтуға, капитал тартуға және әлемдегі жетекші қаржы орталықтарының бірімен өзара іс-қимылдың жаңа тетіктерін іске қосуға аударылды. Кездесулер InvestHK, Bank of China, HKTDC ұйымдарымен және Гонконгтің ірі бизнес өкілдерімен өтті.

Almaty Invest басқарма төрағасы Қайрат Бекеновтің айтуынша, басты міндет — Қазақстан мен Гонконгтің қаржы ұйымдары арасында тікелей көпір қалыптастыру. Бұл капиталға қолжетімділікті кеңейтуге, бірлескен бастамаларды жедел іске қосуға және Алматы экономикасының өсуіне қосымша мүмкіндіктер жасауға жол ашады.

Сапар қорытындысы бойынша алдағы жұмыс форматы айқындалып, Гонконгтің ірі қаржы және бизнес өкілдері келіссөздерді жалғастыру үшін Алматы мен Астанаға келетін болды.

Оқи отырыңыз:

• Алматыдан Алатауға метромен емес, LRT-мен қатынаймыз
• Әуетакси Алматы әуежайынан Медеуге дейін 10–12 минутта жетеді
• Алматыда мәдениет қызметкерлеріне 60 пәтер мен 13 мемлекеттік марапат табысталды