Вашингтондағы Ақ үй маңында атыс болды

Вашингтонда ер адам Ақ үй жанындағы бақылау-өткізу пунктіне келіп, сөмкесінен тапанша шығарып, Құпия қызмет қызметкерлеріне оқ атқан, деп хабарлайды Orda.kz.       

Агенттер жауап ретінде оқ атып, шабуылдаушыны жаралаған. Кейін ол ауруханада қайтыс болды.

Атыс кезінде кездейсоқ өтіп бара жатқан адам да зардап шекті. Құпия қызмет өкілдері оның күдіктінің алғашқы оғынан немесе жауап ретінде атылған оқтан жараланғаны әзірге белгісіз екенін айтты. Оның жағдайы ауыр деп бағалануда.

Оқиға барысында 15-тен 30-ға дейін оқ атылған. CNN мәліметінше, күдікті — 21 жастағы Несир Бест. Ол бұған дейін Ақ үй аумағына кіруге бірнеше рет әрекет жасағаны үшін ұсталған. Сондай-ақ оның психикалық денсаулығына қатысты мәселе болған.

Бұл оқиға  Ақ үйдегі тілшілер қауымдастығының кешкі асындағы атыстан бір ай өтпей жатып болып отыр. Ол шараға сол кезде Дональд Трамп та қатысқан.Қауіпсіздік қызметі Ақ үй тілшілері қауымдастығының кешкі асы кезінде Дональд Трамп, оның жұбайы Мелания Трамп және басқа да қонақтарды Washington Hilton қонақүйінің холлында атыс дауысы естілгеннен кейін сыртқа шығарды,

Атыс кезінде Дональд Трамп Ақ үйде болған. Әкімшілік мәліметінше, президент те, басқа да күзетілетін тұлғалар да, Құпия қызмет қызметкерлері де зардап шеккен жоқ.

Тақырыпқа қатысты ұсынамыз:

• Трамп қатысқан Ақ үй тілшілері қауымдастығының кешкі асында атыс болды
• Ақ үйде атыс шығарған күдікті өмір бойы бас бостандығынан айырылуы мүмкін
• «Мені көздеген болуы мүмкін» — Трамп өзі қатысқан іс-шарадағы атыс туралы мәлімдеме жасады
• Трампқа оқ атқан «үздік мұғалім» болып шықты