Нұртас Адамбай Назарбаев пен Путиннен кешірім сұрады

Қазақстандық продюсер әрі актер Нұртас Адамбай бірнеше ел президенттері, әнші Андрей Макаревич пен депутат Ринат Зайытовтан кешірім сұрады.

Ол өзінің Instagram парақшасында әлеуметтік желі қолданушыларына, саясаткерлер мен атақты адамдарға өзінің «ақымақтығы» мен бос айыптауы үшін кешірім сұрады.

Кешірім сұраған президенттер арасында: Ресей басшысы Владимир Путин, Беларусь басшысы Александр Лукашенко және Қазақстанның қазіргі президенті Қасым-Жомарт Тоқаев пен экс-президенті   Нұрсұлтан Назарбаев бар.

Сонымен қатар ол депутат Ринат Зайытов пен әнші Андрей Макареевичтан әлеуметтік желіде сынағаны үшін кешірім сұрады.

 «Мен ренжіткен және кінәлаған барлық адамдардан кешірім сұраймын, мен сіздердің шыдамдылығыңыз бен сабырлылығызға ризамын» деп жазды Адамбай.