Ұлттық киноны қолдау мемлекеттік орталығы ұлттық деп танылуға үмітті киножобалардың кезекті іріктеу конкурсына өтінімдер қабылдауды аяқтады. Бұл туралы Orda.kz. хабарлады.
Конкурсқа қанша компания қатысқаны және қабылданған жұмыстар қалай қаралғаны туралы Ұлттық киноны қолдау мемлекеттік орталығының Өндіріс бөлімінің сарапшысы Бижан Әбішев жауап берді.
Ұлттық киноны қолдау мемлекеттік орталығының конкурсына өтінімдер 2021 жылдың 1 наурызына дейін қабылданды. 450 компаниядан 503 өтінім келіп түсті. Атап айтсақ:
- Көркем фильмге – 231;
- Деректі фильмге – 86;
- Қысқа метражды фильмге – 73;
- Бірлесіп шығарылатын фильмге – 58;
- Анимацияға – 35;
- Дебютке – 31;
- Авторлық/артхаустық киноға – 25 өтінім келіп түсті.
Сарапшы «Шәкен Айманов атындағы «Қазақфильм» АҚ биыл 45 өтінім тапсырғанын атап өтті.
Питчингтерге келетін өтінімдер саны жыл сайын өсіп келеді:
Жобаны қысқаша таныстыруға (питчинг) 2019 жылы – 109, 2020 жылы – 226, 2021 жылы – 501 өтінім түсті. Мұндай белсенділікке ақпаратпен қамтамасыз ету себеп болды. Бұрындары кино саласындағы мамандар қалай мемлекеттен қаржылай көмек алуға болатынынан хабарсыз болған.
Сондай-ақ, биыл конкурс талаптары жеңілдетілген.
І кезеңде:
- Сценарий
- Автордың түйіндемесі
- Өндіріске кететін соманы қамтитын алдын-ала құжаттар пакеті сұралды.
ІІ кезеңде:
- Презентация
- Смета (түсірілімге кететін қаржы есебі – ескерту Orda)
- ҚКЖ және т.б. құжаттар пакетін өткізу керек болды.
Өтінімдердің көп бөлігі portal.kazakhcinema.kz арқылы қабылданды.
Шешім қабылдау кезінде Сараптамалық кеңес сценариймен қатар, жобаның жалпы дамуы, оның прокаттық, фестивальдік әлеуетін ескереді.
Қазір Сараптама кеңесі тұрақты бекітілмеді. Ол туралы ақпарат жоғарыда аталған порталда жарияланады.
