Мемлекеттен 6,4 миллион алған қарағандылық  кәсібін жауып тастады

Қарағанды ​​облысының прокуратурасы жүргізген тексеру барысында 58 миллион теңгенің тиімсіз пайдаланғаны, сондай-ақ 20 миллион теңге гранттың дұрыс  мақсатта игерілмегені анықталды.

Қарағанды ​​облысының атқарушы органдарында ішкі еңбек нарығын қорғауға, халықты жұмыспен қамтуға жәрдемдесуге, сондай-ақ жұмыссыздарды және өзін-өзі жұмыспен қамтушыларды 2021-2022 жылдары нәтижелі жұмысқа тартуға бағытталған заңнаманың сақталуына тексеру жүргізу барысында облыс прокуратурасы көптеген заң бұзушылықтар анықтады.  Бұл туралы қадағалау органының баспасөз қызметіне сілтеме жасап Orda.kz хабарлайды.

Жалпы, тексеріс барысында  58 миллион теңгенің тиімсіз пайдаланылуы, сондай-ақ 20 миллион теңгеден астам гранттың мақсатсыз пайдаланылуы анықталды.

«Сонымен, оқытылған 1691 жұмыссыздың 44 пайызы, яғни 760 адам ғана мамандығы бойынша жұмысқа орналасты. Мәселен, Осакаров ауданында 2021 жылы бюджеттен бөлінген 10 миллион теңгеге 65 адам талап етілмеген мамандықтар бойынша оқытылды. Нәтижесінде тек он адам ғана жұмыс таба алды»  деп атап өтті прокуратура.

Сондай-ақ 54,5 млн теңгеге 36 гранттың негізсіз берілген және мақсатсыз пайдаланылған фактілері анықталды. Бастапқыда бұл ақша шаруашылық субъектілеріне өндірісті кеңейтуге және жаңа жұмыс орындарын ашуға арналған, кейіннен қытуға және басқа да мақсаттарға жұмсалды.

«Нысаналы топтарға жатпайтын Қарағанды, Шахтинск, Абай және Ақтоғай аудандарында 9,8 млн теңгеге тоғыз грант берілді. 6,4 млн грант алған 11 кәсіпкер өз қызметін бірден тоқтатты» деп хабарлады прокуратура.

Сондай-ақ, басқа ұйымдардың қызметкерлері немесе тұрақты жұмысы барлар жұмыс «берілген» азаматтар қатарында  жалған жұмысқа орналастырудың 75 фактісі анықталды.

Ал, Еңбек және халықты әлеуметтік қорғау министрлігінің мәліметінше, Қазақстанда жұмыс іздеп жүргендердің белсенділігі үш есеге артқан. Қаңтар айында электронды еңбек биржасында еліміздің әр өңірінен 130 мыңнан астам түйіндеме орналастырылды.