Мемлекет басшысы кәсіби сумо балуаны Ерсін Балтағұлды қабылдап, ІІ дәрежелі «Барыс» орденімен марапаттады
Фото: Ақорда
Қасым-Жомарт Тоқаев сумоның отаны – Жапонияда жоғары жетістікке жеткен қазақстандық балуан Ерсін Балтағұлмен кездесу өткізді, деп хабарлайды Orda.kz.
Президент спортшыны 2025 жылы Император кубогында «маэгашира» атағын иеленуімен – сумо күресіндегі жоғары дәрежелердің бірімен, сондай-ақ жарыс қорытындысы бойынша арнайы «Канто-сё» (жауынгерлік рух) жүлдесін алуымен құттықтады.
Мемлекет басшысы бұл марапатты балуанның табандылығы мен тынымсыз еңбегінің жемісі деп атады.
Қасым-Жомарт Тоқаев бүгінде шетелде ел намысын абыроймен қорғап жүрген жас отандастарымыздың саны артып келе жатқанын атап өтті. Оның айтуынша, мемлекет дарынды жастарды қолдауға және спортты дамытуға жағдай жасауға айрықша көңіл бөледі.
«Жапонияға сапарым барысында Сізді императордан бастап қарапайым халыққа дейін көпшіліктің танитынына әрі құрметтейтініне көз жеткіздім. Бұл – үлкен мәртебе. Жапонияда тұрып, Сіз қазақ халқының абыройын асқақтатып, еліміздің беделін нығайтып жүрсіз. Сізге айрықша алғысымды білдіремін», – деді Мемлекет басшысы.
Өз кезегінде Ерсін Балтағұл қолдау көрсеткені үшін президентке ризашылығын білдіріп, жас спортшылармен кездесуді жоспарлап отырғанын айтты.
«Қазақстан азаматы ретінде мен Жапония сияқты халқы 120 миллионнан асатын елде көгілдір туымызды лайықты түрде танытуды мақсат етіп қойдым. Осы мақсатқа жету үшін бар күш-жігерімді саламын. Сонымен қатар Италияда өткен қысқы Олимпиада ойындарында алтын медаль жеңіп алған отандасымыз Михаил Шайдоровтың зор жетістігімен Сізді және барша қазақстандықтарды шын жүректен құттықтаймын», – деді Ерсін Балтағұл.
Кездесу соңында президент балуанға халықаралық жарыстарда жаңа биік белестерді бағындыруына тілектестік білдірді. Бұл еліміздің беделін арттыруға және Қазақстан мен Жапония арасындағы достық байланыстарды одан әрі нығайтуға септігін тигізетінін атап өтті.
Президент спорт саласындағы елеулі еңбегі үшін сумошы Ерсін Балтағұлды ІІ дәрежелі «Барыс» орденімен марапаттады.
Еске салсақ, 14 ақпан күні таңертең мемлекет басшысы Қасым-Жомарт Тоқаев Михаил Шайдоровты қысқы Олимпиада ойындарының чемпионы атануымен құттықтап, оны «Барыс» орденінің II дәрежесімен марапаттады.
Оқи отырыңыз:
Жаңалықтар
- Лукашенко: Трамп саясатында демократияның нышаны да жоқ
- Атырауда шенеуніктер футбол командасына 3,75 млрд теңге жұмсамақшы
- АҚШ-тың бас прокуроры Эпштейн ісі бойынша куәлік береді, Қазақстанда да файлдар тексеріледі
- 3 сәуірде Астана уақытымен 21 сағат 13 минутта жер сілкінісі тіркелді
- Павлодарда жаңа туған сәбиін 800 мың теңгеге сатпақ болған ана ұсталды
- Әнші Гүлнәр Сиқымбаеваның жалғыз ұлы әлі табылмады: Жұбайы «Бармысың, бауырымға» жүгінді
- Президент ШҚО әкіміне инвестиция тартып, өңірдегі туризмді дамытуды тапсырды
- Қазақстандықтардың жартысы 340 мың теңгеден аз жалақы алады
- Француздардың контейнер кемесі соғыс басталғалы алғаш рет Ормуз бұғазынан сәтті өтті
- Сақал – сән емес, салмақ: Қазақтағы сақал-мұрт қоюдың мәні мен міндеті
- «Кеген–Нарынқол» трассасында жолды су шайып кетті
- 240 мыңнан астам мұғалім ЖИ қолданып үйренді: Тоқаев Сүлейменоваға міндет жүктеді
- Ақтөбе облысында жұртты қорқытып, бопсалап келген қылмыстық топ ұсталды
- Өскеменнің бұрынғы әкімі Жақсылық Омар 6 жылға сотталды
- Никаб киюге шектеу: Заң қалай жұмыс істеп жатыр?
- Президент өкімімен әскери қолбасшылар тағайындалды
- Алматыда жасөспірімдерге тиісіп, көшені шулатқан тәжік балалары ұсталды
- Мәскеу — Челябі бағытымен жүретін пойыздың жеті вагоны рельстен шығып кетті
- Иран АҚШ-тың нысанаға алынуы мүмкін кемелерінің тізімін жасады
- 200 млн-ға жуық заңсыз табыс: Ақтөбеде қаржы пирамидасын ұйымдастырған бір топ адамға үкім шықты
