Лукашенко: Трамп саясатында демократияның нышаны да жоқ

Беларусь президенті Александр Лукашенко жұрт алдында сөйлеген сөзінде АҚШ президенті Дональд Трамптың саясаты мен Таяу Шығыстағы жағдайға қатысты пікір білдірді, деп хабарлайды Orda.kz.      

Оның айтуынша, Трамп «саясаттың сайқал жүзін толық ашып көрсетті» және АҚШ-тың да шын келбетін айқындады.

«Қандай демократия? Қандай адам құқықтары? Мұнай! Сол үшін адамдарды қырып жатыр, зымырандармен атқылайды, бәріне барады. Өз елінде қалыпты немесе тіпті жақсы өмір сүрудің орнына миллиардтар табуы үшін америкалықтар да қаза табады», — деді Лукошенко. 

Ол сондай-ақ Беларусь өз саясатын өзгеше бағытта жүргізетінін және реформаларды халықтың шешімімен жүзеге асыруға дайын екенін қосты.

Еске салсақ, Франция президенті Эммануэль Макрон жұбайының шапалағынан кейін әлі есін жия алмай жүр деп әзілдеген АҚШ басшысы Дональд Трамптың екі ауыз әзілі Францияда үлкен наразылық туғызған болатын. 

Оқи отырыңыз:

• Лукашенко Трамптың арнайы өкілі келгеннен кейін 14 саяси тұтқынды босатты
• Александр Лукашенко Беларусь «соғысқа дайын» екенін айтты
• Трамп Иранды «тас дәуіріне қайтаратынын» мәлімдеді