Өскеменнің бұрынғы әкімі Жақсылық Омар 6 жылға сотталды

Өскеменде күдікке ілінгенге дейін ШҚО әкімінің орынбасары әрі Өскемен қаласының әкімі болып қызмет атқарған Жақсылық Омар сотта өз кінәсін толық мойындады. Ол 6 жылға бас бостандығынан айырылды, деп хабарлайды Orda.kz. 

Сот оны «алаяқтық» және «пара алу» баптары бойынша кінәлі деп тапты. Ол 6 жыл түрме жазасына кесілді. 

Бұған дейін прокурорлар оған алты жылға бас бостандығынан айыру жазасын сұрады.

Адвокаттар оны түрмеге жаппай, айыппұл салумен шектелуді сұраған еді. Оған қоса, туыстарының шотында айыппұл төлеуге жететін 100 млн теңгеден астам қаражат бар екенін мәлімдеген.

Жақсылық Омарға 6 жыл бас бостандығынан айыру, Toyota Camry 75 автокөлігін тәркілеу және мемлекеттік қызметте өмір бойы жұмыс істеуге тыйым салу түріндегі жаза тағайындалды. Соттағы соңғы сөзінде Жақсылық Омар өз кінәсін толық мойындап, жасаған ісіне өкініш білдірді.

Сондай-ақ, экс-әкім келтірілген шығын толық өтелгенін, айыппұл төлеуге мүмкіндігі барын айтып, сол үшін соттан түрме жазасынан басқа жаза тағайындауды өтінген еді. 

Сот отырысының жабық өтуі БАҚ-тың назарына ілікті. Журналистерге Омар мен оның адвокаттарын бейнежазбаға түсіруге тыйым салынды. Ал алғашқы сот отырыстары кішкентай залда өткен. БАҚ өкілдері оны істі жариялауды шектеуге бағытталған әрекет деп бағалады.

Еске салсақ, биылғы 18 ақпанда ШҚО әкімінің орынбасарына қатысты тергеу басталғаны туралы ақпаратты ҰҚК растады. Сол кезден бері Омарға қатысты сотқа дейінгі тергеу жүрді. 

2018–2024 жылдары Жақсылық Омар Өскемен қаласының әкімі қызметін атқарды. 2025 жылдың сәуіріне дейін Шығыс Қазақстан облысы әкімінің кеңесшісі болды. Ал 2025 жылғы 7 сәуірден бастап ұсталғанға дейін ШҚО әкімінің бірінші орынбасары қызметін атқарды.

• Никаб киюге шектеу: Заң қалай жұмыс істеп жатыр?
• Мәскеу — Челябі бағытымен жүретін пойыздың жеті вагоны рельстен шығып кетті
• Иран АҚШ-тың нысанаға алынуы мүмкін кемелерінің тізімін жасады