200 млн-ға жуық заңсыз табыс: Ақтөбеде қаржы пирамидасын ұйымдастырған бір топ адамға үкім шықты

Ақтөбе қаласында «Harmony Rider Technology» (HRT) қаржы пирамидасын ұйымдастырып, заңсыз пайда тапқандар сотталды, деп хабарлайды Orda.kz.

ҚМА мәліметінше, 2024 жылы бір топ тұлға шетелден электросамокаттар сатып алып, жалға берумен айналысатын халықаралық компания ретінде қаржы пирамидасы жұмысын ұйымдастырған.

Күдіктілер азаматтарды тарту үшін жарнамадан бөлек офлайн кездесулер ұйымдастырған. Олар істерінің «заңды» екенін дәлелдеу үшін Ақтөбе қаласында кеңсені жалға алып, үгіт-насихат жұмыстарын жүргізген.

Заңсыз әрекет нәтижесінде қаржы пирамидасына 115 салымшыдан жалпы 197 млн теңгеден астам қаражат түскен.

Сот үкімімен ұйымдастырушылар 6 жылға бас бостандығынан айырылды.

Оқи отырыңыз:

• Қазақстанда жарты жылда 36 қаржы пирамидасы анықталды
• «180 млн теңге иемденген»: Қаржылық пирамида ұйымдастырушысы сотталды
• Дикий Арманның досы мен Келімбетовтің күйеу баласы: Дубайда қаржы пирамида басшысын тонаған кім?