Президент өкімімен әскери қолбасшылар тағайындалды

Мемлекет басшысы Қасым-Жомарт Тоқаевтың өкімімен Қазақстан Республикасы Қарулы Күштерінде тағайындаулар болды, деп хабарлайды Orda.kz.      

Бұл туралы  Ақорданың баспасөз қызметі мәлім етті. 

Махсут Құрманәліұлы Гусейнов Қазақстан Республикасы Қарулы Күштерінің Десанттық-шабуылдау әскерлерінің қолбасшысы болып тағайындалды, ол бұрынғы атқарған лауазымынан босатылды.

Махсут Гусейнов 1977 жылғы 30 желтоқсанда Шымкент облысы Бөген ауданының Шұбаров ауылында дүниеге келген.

Ол 2000 жылы  ҚР ҚК Әскери академиясын ЖӘУ (мотоатқыштар әскерлерінің командалық тактикалық) бағдарламасы бойынша, 2013 жылы Ұлттық қорғаныс университетін әскери және әкімшілік басқару мамандығы бойынша, 2021 жылы  Ұлттық қорғаныс университетінің «Қарулы күштерінің академиясын» әскери істегі стратегиялық менеджмент мамандығы бойынша бітірген. Үйленген, бір баласы бар.

Сонымен қатар Бағлан Әбдіжәлелұлы Өсербаев «Астана» өңірлік қолбасшылығы әскерлерінің қолбасшысы лауазымына тағайындалды. Бағлан Өсербаев бұрын «Батыс» өңірлік қолбасшылығы әскерлері қолбасшысының бірінші орынбасары қызметін атқарған.

Оқи отырыңыз:

• Президент және Халық Кеңесі туралы заң жобасы сәуірдің соңына дейін Тоқаевтың қарауына ұсынылады
• Қазақстанда жеке деректерді жаппай таратқандарға қылмыстық жауапкершілік енгізіледі
• Саясат Нұрбек президентке жаңа Конституцияның білім мен ғылым саласындағы әлеуеті жайында баяндады