Мәжіліс екінші оқылымда ауылшаруашылық жерлерін шетелдіктерге сатуға және жалға беруге тыйым салатын түзетулерді мақұлдады. Енді «ҚР кейбір заңнамалық актілеріне жер қатынастары мәселелері бойынша өзгерістер мен толықтырулар енгізу туралы» заң жобасы Сенатта қаралатын болады.

Бұл туралы Orda.kz хабарлады.

Жоба Президент Қасым-Жомарт Тоқаевтың заңнамалық бастамасына сәйкес дайындалды. Онда шетелдік жер пайдаланушыларға, шетелдіктер қатысатын заңды тұлғаларға иелік етуге тыйым салуды, сондай-ақ жеке меншік және жер пайдалану құқығы негізінде ауылшаруашылық мақсатындағы жер учаскелеріне келісімшарттар енгізуді көздейді.

25 ақпанда Ұлттық сенім кеңесінің отырысында ел Президенті заң бойынша ауылшаруашылық жерлерін шетелдіктерге және шетелдік заңды тұлғаларға сатуға және жалға беруге біржолата тыйым салуды тапсырды.

Бөлісіңіз: