Қостанай облысында боран кезінде әжесі мен немересі жоғалып кетті

Степное ауылында 58 жастағы әйел 11 жасар немересімен таңғы сағат жетіде үйінен шығып кеткен. Олар Тобылға аттанып кету үшін тас жолға шықты, бірақ діттеген жеріне жете алмады.

Ақпаратты «Дос» іздестіру-құтқару жасағының еріктілері таратты. Қазіргі уақытта іздеу жұмыстарына құтқарушылар мен полицейлер қосылып, Степное ауылынан Айсары ауылына дейінгі аумақты қарап шықты.

Қостанай облысында бүгін қатты боран соғады. Құтқарушылардың айтуынша, іздестіру жұмыстарына көрінудің нашарлығы мен көктайғақ кедергі келтіріп отыр.