Қазақстан әскерилері Мәскеудегі жеңіс парадына қатысты

Қасым-Жомарт Тоқаев Мәскеудегі Жеңіс парадына қатысатын қазақстандық әскерилерді қарсы алды. Қазақстан атынан Кеңес Одағының Батыры генерал-майор Иван Панфилов атындағы 37-ші десанттық-шабуылдау әскерлері бригадасының әскери қызметшілері шықты, деп хабарлайды Orda.kz.

Ақорда мәліметінше, құрамында 80 әскери қызметкері бар парадтық жасақты полковник Алмас Төлегенов басқарды.

9 мамырда Президент Қасым-Жомарт Тоқаев кремльге барып, оны Владимир Путин қарсы алды. Президент Тоқаев 8 мамырда Мәскеуге ұшып келіп, шетелдік көшбасшылармен бірқатар кездесулер өткізіп, мерекелік іс-шараларға қатысты.

Бұған дейін президент қазақстандықтарды жеңіс күнімен құттықтаған болатын. Халыққа үндеуінде ол Жеңістің 80 жылдығының ерекше маңыздылығын, майдангерлердің ерлігі мен тыл еңбеккерлерінің жанқиярлығын атап өтті.

Тоқаев жеңістің қандай бағамен келгенін еске салып, бейбітшілік пен келісімді сақтауға шақырды.

Мәскеудегі жеңіс парадына қай мемлекеттердің басшылары қатысады және қай ел жетекшілері не себепті Мәскеуге бармайтыны туралы баяндадық. Алматыда  «Батырларға тағзым»  шеруі өтті.

Orda.kz екінші дүниежүзілік соғыста  Кеңес одағы ажал аузына тастаған қазақтың атты әскері  туралы зерттеу мақаласын жариялады.

Соғыс кезінде шекараның арғы бетінде қалған Қытайдағы қазақтар да азаттыққа жетуге ұмтылды. Саяси күштер, соның ішінде өз мүддесін ойлаған Кеңес үкіметі де оларды астыртын қолдап, тыңшыларын жіберді. Сондай құпиялардың бірі — Баймұқат Тілеубаевтың Қытай еліне тыңшы болып барғаны туралы да оқи отырыңыздар. 

Астанада 7 мамырда жеңістің 80 жылдығына арналған әскери шеруде кеудесі медальға толы қарт адам қоршаудың сыртында қалып, жұртшылық бұл оқиғаға назар аударды. 7 мамыр күнгі шеруге жіберілмеген қария Теңдік Изақов – еліне еңбегі сіңген ардагер болып шықты.