Астанада интернет-есірткі дүкені «қоймасы» рөлін атқарған күдікті ұсталды

ІІМ интернет-есірткі дүкенінінің «қоймасы» қызметін әшкереледі. Ішкі істер министрлігі есірткі құралдарын жеткізу және өткізу арналарының жолын кесу бойынша жүйелі жұмысты жалғастырып жатыр, деп хабарлайды Orda.kz Polisia.kz-ке сілтеме жасап.

«Қарасора – 2026» жедел-алдын алу іс-шарасы барысында полиция қызметкерлері Астана қаласының 40 жастағы тұрғынын ұстады. Ер адам Telegram мессенджері арқылы есірткі таратумен айналысқан интернет-есірткі дүкені «қоймасы» деп аталатын рөлін атқарған.

Жүргізілген тінту шаралары, сондай-ақ бұрын жабдықталған жасырын орындарды тексеру нәтижесінде орау материалдары, zip-lock пакеттері және төрт келіден астам синтетикалық есірткі – α-PVP мен мефедрон тәркіленді. Бұл 12 мыңнан астам бір реттік дозаға тең, олардың елорда аумағында таралуына тосқауыл қойылды.

Әрбір тәркіленген есірткі партиясы – мыңдаған адамның өмірі мен тағдырын сақтап қалу деген сөз.

Аталған дерек бойынша Қазақстан Республикасы Қылмыстық кодексінің 297-бабы 3-бөлігімен сотқа дейінгі тергеу жүргізілуде. Күдікті уақытша ұстау изоляторына қамалды.

«ІІМ есірткі құралдарын жеткізу, сақтау және тарату арналарының жолын анықтау және кесу бойынша жұмысты жалғастырады», – деді ІІМ Есірткі қылмысына қарсы іс-қимыл комитеті төрағасының орынбасары Елдар Әбдіккенов.

Ер адам ұсталды, қазір ол мүлкі тәркіленіп, 15 жылдан 20 жылға дейін бас бостандығынан айырылуы мүмкін.

Оқи отырыңыз:

• Жамбыл облысында магнитудасы 4,5 болатын жер сілкінісі тіркелді
• Қазақстанда Kуzdar.net ісі бойынша алғашқы үкім шықты