Алматы экономикалық сотының баспасөз қызметі «Яндекс.Такси» ісі бойынша бұқаралық ақпарат құралдарында жарияланған мақалаларға қатысты шешім заңды күшіне енбегенін және мәжбүрлеп орындау туралы мәселе туындамағанын хабарлады.
Бұл туралы Orda.kz. хабарлады.
Биылғы 19 мамырда сот G-Tax ЖШС-нің «Яндекс.Такси» -ге қарсы интеллектуалдық меншік құқығына байланысты пайдалы модель – такси қызметіне автоматтандырылған тапсырыс беруге қатысты талап арызы бойынша іс қаралды.
— Сот компанияның қызметіне шектеу қоймады (уақытша шаралар қолданылған жоқ). Қазіргі уақытта апелляциялық шағымдар беріліп жатыр, іс апелляциялық сатыда қаралады, – деп хабарлады қалалық экономикалық соттың баспасөз қызметі.
Бұған дейін хабарлағанымыздай, Алматы қаласының мамандандырылған ауданаралық экономикалық соты «Яндекс.Такси» қызметіне тыйым салу және Қазақстандағы қосымшаны бұғаттау туралы шешім шығарды.
Істі қарау шеңберінде сот компанияның қызметіне шектеу қоймады. Қазіргі уақытта апелляциялық шағымдар беріліп жатыр және дау апелляциялық сатыда қаралатын болады.
Өз кезегінде, «Яндекс.Такси» қызметі Қазақстандағы бұғаттау туралы ақпаратты жоққа шығарды. Компания Алматы қаласының ауданаралық экономикалық сотының шешімі қызметтің Қазақстандағы жұмысына тосқауыл қоймайтынын түсіндірді. Yandex.Taxi баспасөз қызметінің өкілі Ася Мелкумова Лента.ру редакциясына жолдаған хабарламасында:
— Біздің қызмет жұмыс істейді және жұмыс істей береді. Патенттік дауға келетін болсақ, компания апелляциялық шағым беріп жатыр,- деді.
Алматы қаласының мамандандырылған ауданаралық экономикалық сотының судьясы Айгүл Тұралиева патенттелген автокөлікке тапсырыс беру жүйесіне байланысты «G-Tax» ЖШС-нің талап арызын ішінара қанағаттандырды, компания Yandex.Go олардың эксклюзивті құқықтарын бұзды деп санайды. Судья ел аумағында тек қосымшаларға ғана емес, сонымен қатар Yandex.Pro жеке кабинетінің веб-нұсқасына және браузерден такси тапсырыс беру үшін веб-сайтқа кіруге тыйым салу туралы шешім шығарды.
