Гашиш контрабандасымен айналысып, қашып жүрген әйел Қырғызстаннан экстрадицияланды

Есірткіні аса ірі көлемде контрабанда жасап, өткізгені үшін сотталған Қазақстан азаматы Қырғызстаннан жазасын өтеу үшін экстрадицияланды, деп хабарлады Бас прокуратураның баспасөз қызметіне сілтеп Orda.kz.       

«Биылғы жылдың наурыз айында ол Бішкек қаласында ұсталып, Қазақстан Бас прокуратурасының сұрауы бойынша өз еліне экстрадицияланды. Қазіргі уақытта сотталған әйел тергеу изоляторына қамалды» деп жазылған хабарламада. 

Қадағалау органы мәліметінше, Жамбыл облысының мамандандырылған ауданаралық қылмыстық істер жөніндегі сотының 2010 жылғы 23 қарашадағы үкімімен әйел бір келіден астам гашишті контрабандалау мен өткізгені үшін мүлкі тәркілене отырып, 15,5 жылға бас бостандығынан айырылған.

Сондай-ақ оның кәмелетке толмаған баласының болуына байланысты жаза өтеу мерзімі бала 14 жасқа толғанға дейін кейінге шегерілгені хабарланды.

Пробациялық бақылауда болған кезінде, 2017 жылы сотталған әйел жазасын өтеуден жалтарып, іздеуге жарияланған екен.

Оқи отырыңыз:

• Интерпол іздеген: Instagram арқылы жұртты алдаған ер адам Түркиядан Қазақстанға жеткізілді
• Әлем чемпионатында Бразилия құрамасы Гаитиді ойсырата жеңді — есеп: 3:0
• Жанәбіловтерден тәркіленген көліктер аукционға шығарылды