Интерпол іздеген: Instagram арқылы жұртты алдаған ер адам Түркиядан Қазақстанға жеткізілді

Түркиядан Қазақстанға Интерполдың сұрауы бойынша халықаралық іздеуде жүрген ер адам экстрадицияланды, деп хабарлайды  Orda.kz Polisia.kz-ке сілтеме жасап.

ІІМ медиапорталының мәліметінше, алаяқтық жасады деген күдікпен халықаралық іздеуде болған ер адам Түркиядан депортацияланған. Ол Қазақстан Интерпол бюросының сұрауы бойынша Самсун қаласында ұсталған.

«Тергеу деректеріне сәйкес, күдікті 2024 жылдың қыркүйегі мен желтоқсаны аралығында ақпараттық жүйелер мен Instagram әлеуметтік желісіндегі аккаунтын пайдаланып, алдау жолымен Атырау қаласының екі тұрғынының 3 миллион теңгеден астам қаражатын иемденген»,  деп хабарлады полиция. 

Күдікті Алматы қалалық ПД уақытша ұстау изоляторына қамалды.

Оқи отырыңыз:

• Ақтөбе облысының тұрғыны сарайынан бірнеше артиллериялық снаряд тауып алды
• Әлем чемпионатында Бразилия құрамасы Гаитиді ойсырата жеңді — есеп: 3:0
• «Маған қызымды қайтарып берсін»: Әл-Фараби апатына қатысты істе жаңа жәбірленуші 100 млн өтемақы талап етпек