Әлем чемпионатында Бразилия құрамасы Гаитиді ойсырата жеңді — есеп: 3:0

Футболдан Бразилия ұлттық құрамасы 2026 жылғы әлем чемпионаты аясында Гаити ұлттық құрамасы командасын есеңгірете жеңді, деп хабарлайды Orda.kz.       

С тобының екінші турындағы матч АҚШ-тың Филадельфия қаласындағы «Линкольн Файненшел Филд» стадионында өтіп, 3:0 есебімен аяқталды. Барлық гол бірінші таймда соғылды.

Дубльді шабуылшы Матеус Кунья (23 және 36-минуттар) тіркеді. Тағы бір голды вингер Винисиус Жуниор (45+3) соғып, нәтижелі пас берумен де көзге түсті. Сондай-ақ нәтижелі пасты жартылай қорғаушы Лукас Пакета жасады.

Бразилия құрамасы көшбасшыларының бірі Рафинья бірінші таймда жарақат алып, 40-минутта алаңнан ауыстырылды.

Алғашқы жеңіс бразилиялықтарға 4 ұпай жинауға мүмкіндік берді. Бес дүркін әлем чемпиондары доп айырмасы бойынша Мароккодан озып, топты бастап тұр. Гаити құрамасы ұпайсыз соңғы орында қалып, плей-офф кезеңіне тікелей шығу мүмкіндігінен айырылды. Шотландия құрамасы 3 ұпаймен үшінші орында келеді.

Регламентке сәйкес, 12 топтың әрқайсысынан екі үздік команда плей-офф кезеңіне шығады. Сонымен қатар үшінші орын алған командалардың ішінен ең үздік сегіз құрама да 1/16 финалға жолдама алады.

Оқи отырыңыз:

• Ақ жол, Дастан! — «Қайрат» Сәтбаевты «Челсиге» шығарып салды
• Еліміздің кәсіби футбол клубтарын жекешелендіру қалай жүріп жатыр?
• ФИФА футболдағы жаңа ережелерді жариялады